ﺑﺎﺵ ﺋﻪﻟﭽﯩﺨﺎﻧﺎ ﺑﯩﻠﻪﻥ ﻛﻮﻧﺴﯘﻟﺨﺎﻧﯩﻨﯩﯔ ﺋﯧﻨﯩﻘﻠﯩﻤﯩﺴﻰ:

ﺑﺎﺵ ﺋﻪﻟﭽﯩﺨﺎﻧﺎ ﻗﯩﺴﻘﺎﺭﺗﯩﻠﯩﭗ ﺋﻪﻟﭽﯩﺨﺎﻧﺎ ﺩﯦﻴﯩﻠﯩﺪﯨﻐﺎﻥ ﺑﻮﻟﯘﭖ، ﺑﯩﺮ ﺩﯙﻟﻪﺗﻨﯩﯔ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﻘﺎﻥ ﻳﻪﻧﻪ ﺑﯩﺮ ﺩﯙﻟﻪﺗﻨﯩﯔ ﭘﺎﻳﺘﻪﺧﺘﯩﺪﻩ ﺗﻪﺳﯩﺲ ﻗﯩﻠﯩﺪﯨﻐﺎﻥ ﺩﺍﺋﯩﻤﯩﻲ ﯞﺍﻛﺎﻟﻪﺕ ﺋﻮﺭﮔﯩﻨﻰ ﺑﻮﻟﯘﭖ ﮪﯧﺴﺎﺑﻠﯩﻨﯩﺪﯗ. ﺑﺎﺵ ﺋﻪﻟﭽﯩﺨﺎﻧﺎ ﺩﯙﻟﻪﺗﻨﯩﯔ ﻣﻪﻧﭙﻪﺋﻪﺗﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﭗ، ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﮕﻪ ﺋﻮﻣﯘﻣﻴﯜﺯﻟﯜﻙ ﻣﻪﺳﺌﯘﻝ ﺑﻮﻟﯩﺪﯗ. ﺋﻪﻟﭽﯩﺨﺎﻧﺎ ﺑﺎﺷﻠﯩﻘﻰ ﺑﺎﺵ ﺋﻪﻟﭽﻰ ﺩﯦﻴﯩﻠﯩﺪﯨﻐﺎﻥ ﺑﻮﻟﯘﭖ، ﺩﯙﻟﻪﺕ ﺑﺎﺷﻠﯩﻘﻰ ﯞﻩﺯﯨﭙﯩﮕﻪ ﺗﻪﻳﯩﻨﻠﻪﻳﺪﯗ ﮪﻪﻣﺪﻩ ﺩﯙﻟﻪﺕ ﺑﺎﺷﻠﯩﻘﯩﻨﯩﯔ ﯞﻩﻛﯩﻠﻰ ﺳﯜﭘﯩﺘﯩﺪﻩ ﯞﻩﺯﯨﭙﻪ ﺋﯩﺠﺮﺍ ﻗﯩﻠﯩﺪﯗ. ﺑﺎﺵ ﺋﻪﻟﭽﯩﺨﺎﻧﯩﻨﯩﯔ ﺋﻪﯓ ﻣﯘﮪﯩﻢ ﯞﻩﺯﯨﭙﯩﺴﻰ ﺋﻪﯞﻩﺗﯩﻠﮕﻪﻥ ﺩﯙﻟﻪﺗﻜﻪ ﯞﻩﻛﯩﻞ ﺑﻮﻟﯘﭖ، ﺋﯩﻜﻜﻰ ﺩﯙﻟﻪﺗﻨﯩﯔ ﺳﯩﻴﺎﺳﯩﻲ ﻣﯘﻧﺎﺳﯩﯟﯨﺘﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ ﺋﯩﻜﻜﯩﻨﭽﯩﺪﯨﻦ، ﺋﯩﻘﺘﯩﺴﺎﺩ، ﻣﻪﺩﻩﻧﯩﻴﻪﺕ، ﻣﺎﺋﺎﺭﯨﭗ، ﭘﻪﻥ-ﺗﯧﺨﻨﯩﻜﺎ ﻗﺎﺗﺎﺭﻟﯩﻖ ﺗﻪﺭﻩﭘﻠﻪﺭﺩﯨﻜﻰ ﮪﻪﻣﻜﺎﺭﻟﯩﻘﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯨﺪﯗ. ﺑﺎﺵ ﺋﻪﻟﭽﯩﺨﺎﻧﺎ ﺋﺎﺩﻩﺗﺘﻪ ﮪﯚﻛﯜﻣﻪﺕ ﯞﻩ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺑﯩﯟﺍﺳﺘﻪ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ.

ﻛﻮﻧﺴﯘﻟﺨﺎﻧﺎ ﺑﯩﺮ ﺩﯙﻟﻪﺗﻨﯩﯔ ﺑﺎﺷﻘﺎ ﺑﯩﺮ ﺩﯙﻟﻪﺗﻨﯩﯔ ﻣﻪﻟﯘﻡ ﺷﻪﮪﯩﺮﯨﺪﻩ ﺗﯘﺭﯗﺷﻠﯘﻕ ﯞﺍﻗﯩﺘﻠﯩﻖ ﺋﯩﺶ ﺑﯧﺠﯩﺮﯨﺶ ﺋﻮﺭﮔﯩﻨﯩﻨﯩﯔ ﺋﻮﻣﯘﻣﻼﺷﺘﯘﺭﯗﭖ ﺋﺎﺗﯩﻠﯩﺸﻰ ﺑﻮﻟﯘﭖ، ﺑﺎﺵ ﻛﻮﻧﺴﯘﻟﺨﺎﻧﺎ، ﻛﻮﻧﺴﯘﻟﺨﺎﻧﺎ ﯞﻩ ﻗﻮﺷﯘﻣﭽﻪ ﻛﻮﻧﺴﯘﻟﺨﺎﻧﺎ ﻗﺎﺗﺎﺭﻟﯩﻘﻼﺭﻏﺎ ﺑﯚﻟﯜﻧﯩﺪﯗ، ﺋﯚﺯﻯ ﺗﯘﺭﯗﺷﻠﯘﻕ ﺟﺎﻳﺪﯨﻜﻰ ﺋﯚﺯ ﺩﯙﻟﯩﺘﻰ ﻣﯘﮪﺎﺟﯩﺮﻟﯩﺮﯨﻨﻰ ﺑﺎﺷﻘﯘﺭﯗﺷﻘﺎ ﯞﻩ ﻛﻮﻧﺴﯘﻟﺨﺎﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﺎﺷﻘﺎ ﺋﯩﺸﻼﺭﻏﺎ ﻣﻪﺳﺌﯘﻝ ﺑﻮﻟﯩﺪﯗ. ﻛﻮﻧﺴﯘﻟﺨﺎﻧﯩﻨﯩﯔ ﺋﺎﺳﺎﺳﻠﯩﻖ ﯞﻩﺯﯨﭙﯩﺴﻰ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﻰ ﮪﻪﻣﺪﻩ ﺋﯩﻜﻜﻰ ﺩﯙﻟﻪﺕ ﺧﻪﻟﻘﻰ ﺋﺎﺭﯨﺴﯩﺪﯨﻜﻰ ﺑﯧﺮﯨﺶ-ﻛﯧﻠﯩﺸﻨﻰ ﺋﯩﻠﮕﯩﺮﻯ ﺳﯜﺭﯛﺵ، ﻣﻪﺳﯩﻠﻪﻥ ﺋﯚﺯ ﺩﯙﻟﯩﺘﻰ ﭘﯘﻗﺮﺍﻟﯩﺮﻯ ﯞﻩ ﻗﺎﻧﯘﻧﯩﻲ ﯞﻩﻛﯩﻠﻠﯩﺮﯨﻨﯩﯔ ﻗﺎﻧﯘﻧﻠﯘﻕ ﮪﻮﻗﯘﻕ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺵ، ﺋﯚﺯ ﺩﯙﻟﯩﺘﻰ ﭘﯘﻗﺮﺍﻟﯩﺮﯨﻐﺎ ﭘﺎﺳﭙﻮﺭﺕ ﺗﺎﺭﻗﯩﺘﯩﺶ ﯞﻩ ﯞﺍﻗﺘﯩﻨﻰ ﺋﯘﺯﺍﺭﺗﯩﺶ، ﭼﻪﺗﺌﻪﻝ ﭘﯘﻗﺮﺍﻟﯩﺮﯨﻐﺎ ﯞﯨﺰﺍ ﺗﺎﺭﻗﯩﺘﯩﺶ ﻗﺎﺗﺎﺭﻟﯩﻘﻼﺭﺩﯨﻦ ﺋﯩﺒﺎﺭﻩﺕ. ﻛﻮﻧﺴﯘﻟﺨﺎﻧﺎ ﺋﺎﺩﻩﺗﺘﻪ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻜﻰ ﺑﯩﻠﻪﻥ ﺋﯚﺯﻯ ﺗﯘﺭﯗﺷﻠﯘﻕ ﺩﯙﻟﻪﺗﺘﯩﻜﻰ ﺑﺎﺵ ﺋﻪﻟﭽﯩﺨﺎﻧﯩﻨﯩﯔ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ.

ﺋﻪﻟﭽﯩﺨﺎﻧﺎ ﻳﻪﻧﻪ ﻛﻮﻧﺴﯘﻟﺨﺎﻧﯩﻠﯩﻖ ﺭﻭﻟﯩﻨﻰ ﺋﻮﻳﻨﯩﻴﺎﻻﻳﺪﯗ.

ﻧﺎﯞﺍﺩﺍ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺋﯜﺯﯛﻟﺴﻪ ﺑﺎﺵ ﺋﻪﻟﭽﯩﺨﺎﻧﺎ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯩﺪﯗ، ﺋﻪﻣﻤﺎ ﻛﻮﻧﺴﯘﻟﺨﺎﻧﺎ ﺋﯘﻧﺪﺍﻕ ﺑﻮﻟﻤﺎﻳﺪﯗ.

ﺑﺎﺵ ﺋﻪﻟﭽﯩﺨﺎﻧﺎ ﺑﯩﻠﻪﻥ ﻛﻮﻧﺴﯘﻟﺨﺎﻧﯩﻨﯩﯔ ﭘﻪﺭﻗﻰ:

ﺑﺎﺵ ﺋﻪﻟﭽﯩﺨﺎﻧﺎ ﺋﯚﺯﻯ ﺗﯘﺭﯗﺷﻠﯘﻕ ﺩﯙﻟﻪﺗﻨﯩﯔ ﮪﻪﺭﻗﺎﻳﺴﻰ ﺭﺍﻳﻮﻧﻠﯩﺮﯨﻐﺎ ﻣﻪﺳﺌﯘﻝ ﺑﻮﻟﯩﺪﯗ، ﻛﻮﻧﺴﯘﻟﺨﺎﻧﺎ ﭘﻪﻗﻪﺕ ﺋﯚﺯﻯ ﺗﻪﯞﻩ ﺭﺍﻳﻮﻧﻼﺭﻏﯩﻼ ﻣﻪﺳﺌﯘﻝ ﺑﻮﻟﯩﺪﯗ ﺑﺎﺵ ﺋﻪﻟﭽﯩﺨﺎﻧﺎ ﺋﺎﺩﻩﺗﺘﻪ ﮪﯚﻛﯜﻣﻪﺕ ﯞﻩ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺑﯩﯟﺍﺳﺘﻪ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ، ﻛﻮﻧﺴﯘﻟﺨﺎﻧﺎ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﯩﺘﯩﺮﻟﯩﻜﻰ ﯞﻩ ﺋﯚﺯﻯ ﺗﯘﺭﯗﺷﻠﯘﻕ ﺩﯙﻟﻪﺗﺘﯩﻜﻰ ﺑﺎﺵ ﺋﻪﻟﭽﯩﺨﺎﻧﯩﻨﯩﯔ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ ﻧﯘﺭﻏﯘﻥ ﺩﯙﻟﻪﺗﻠﻪﺭ ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﭘﻪﻗﻪﺕ ﺋﻪﻟﭽﯩﺨﺎﻧﯩﻼ ﺗﻪﺳﯩﺲ ﻗﯩﻠﯩﭗ، ﻛﻮﻧﺴﯘﻟﺨﺎﻧﺎ ﺗﻪﺳﯩﺲ ﻗﯩﻠﻤﺎﻳﺪﯗ. ﻛﻮﻧﺴﯘﻟﺨﺎﻧﺎ ﺗﻪﺳﯩﺲ ﻗﯩﻠﯩﺶ، ﻗﯩﻠﻤﺎﺳﻠﯩﻖ، ﻗﺎﻳﺴﻰ ﺩﻩﺭﯨﺠﯩﺪﯨﻜﻰ ﻛﻮﻧﺴﯘﻟﺨﺎﻧﺎ ﺗﻪﺳﯩﺲ ﻗﯩﻠﯩﺸﺘﺎ ﻣﯘﮪﺎﺟﯩﺮﻻﺭ ﯞﻩ ﻛﻮﻧﺴﯘﻟﺨﺎﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻼﺭﻧﯩﯔ ﺋﺎﺯ-ﻛﯚﭘﻠﯜﻛﻰ، ﺷﯘﻧﺪﺍﻗﻼ ﺋﯚﺯﻯ ﺗﯘﺭﯗﺷﻠﯘﻕ ﺭﺍﻳﻮﻧﻨﯩﯔ ﻣﯘﮪﯩﻤﻠﯩﻖ ﺩﻩﺭﯨﺠﯩﺴﯩﮕﻪ ﻗﺎﺭﯨﻠﯩﺪﯗ. ﻣﻪﺳﯩﻠﻪﻥ، خىتاي ﺋﺎﻣﯧﺮﯨﻜﯩﺪﺍ ﺑﯩﺮ ﺑﺎﺵ ﺋﻪﻟﭽﯩﺨﺎﻧﺎ ﯞﻩ 5 ﺑﺎﺵ ﻛﻮﻧﺴﯘﻟﺨﺎﻧﺎ ﺗﻪﺳﯩﺲ ﻗﯩﻠﯩﭗ، ﺋﯚﺯﻯ ﺗﻪﯞﻩ ﺭﺍﻳﻮﻧﻨﯩﯔ ﻛﻮﻧﺴﯘﻟﺨﺎﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻠﯩﺮﯨﻨﻰ ﺑﯧﺠﯩﺮﯨﺪﯗ. ﺑﻪﺯﻯ ﻛﯩﭽﯩﻚ ﺩﯙﻟﻪﺗﻠﻪﺭﺩﻩ ﭘﻪﻗﻪﺕ ﻛﻮﻧﺴﯘﻟﺨﺎﻧﺎ ﯞﻩ ﻛﻮﻧﺴﯘﻟﺨﺎﻧﺎ ﺋﻪﻣﻪﻟﺪﺍﺭﻯ ﺑﻮﻟﯩﺪﯗ. ﻧﯚﯞﻩﺗﺘﻪ، خىتاي ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﻘﺎﻥ 166 ﺩﯙﻟﻪﺗﺘﻪ 157 ﺑﺎﺵ ﺋﻪﻟﭽﯩﺨﺎﻧﺎ، 60 ﺗﯩﻦ ﻛﯚﭘﺮﻩﻙ (ﺑﺎﺵ) ﻛﻮﻧﺴﯘﻟﺨﺎﻧﺎ ﺑﺎﺭ.

ﺑﺎﺵ ﺋﻪﻟﭽﯩﺨﺎﻧﺎ ﺑﯩﻠﻪﻥ ﻛﻮﻧﺴﯘﻟﺨﺎﻧﯩﺪﺍ ﺩﯙﻟﻪﺕ ﺋﻮﺭﮔﺎﻧﻠﯩﺮﯨﻨﯩﯔ ﺋﯩﭽﻜﻰ ﻗﯩﺴﯩﻤﯩﺪﯨﻦ ﺗﺎﻟﻼﻧﻐﺎﻥ ﺋﯩﻘﺘﯩﺪﺍﺭﻟﯩﻖ ﺷﻪﺧﺴﻠﻪﺭ ﺩﯙﻟﻪﺕ ﺗﺎﭘﺸﯘﺭﻏﺎﻥ ﺩﯨﭙﻠﻮﻣﺎﺗﯩﻴﻪ ﺋﯩﺸﻠﯩﺮﯨﻨﻰ ﺑﯧﺠﯩﺮﯨﺸﻜﻪ ﻣﻪﺳﺌﯘﻝ ﺑﻮﻟﯩﺪﯗ.

(1) ﺗﯘﺭﯗﺷﻠﯘﻕ ﺋﻮﺭﻧﯩﺪﺍ ﭘﻪﺭﻕ ﺑﻮﻟﯩﺪﯗ: ﺑﺎﺵ ﺋﻪﻟﭽﯩﺨﺎﻧﺎ ﺑﯩﺮ ﺩﯙﻟﻪﺗﻨﯩﯔ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﻘﺎﻥ ﻳﻪﻧﻪ ﺑﯩﺮ ﺩﯙﻟﻪﺗﻨﯩﯔ ﭘﺎﻳﺘﻪﺧﺘﯩﺪﻩ ﺗﻪﺳﯩﺲ ﻗﯩﻠﯩﺪﯨﻐﺎﻥ ﺩﺍﺋﯩﻤﯩﻲ ﯞﺍﻛﺎﻟﻪﺕ ﺋﻮﺭﮔﯩﻨﻰ ﺑﻮﻟﯘﭖ ﮪﯧﺴﺎﺑﻠﯩﻨﯩﺪﯗ ﻛﻮﻧﺴﯘﻟﺨﺎﻧﺎ ﺑﯩﺮ ﺩﯙﻟﻪﺗﻨﯩﯔ ﺑﺎﺷﻘﺎ ﺑﯩﺮ ﺩﯙﻟﻪﺗﻨﯩﯔ ﻣﻪﻟﯘﻡ ﺷﻪﮪﯩﺮﯨﺪﻩ ﺗﯘﺭﯗﺷﻠﯘﻕ ﯞﺍﻗﯩﺘﻠﯩﻖ ﺋﯩﺶ ﺑﯧﺠﯩﺮﯨﺶ ﺋﻮﺭﮔﯩﻨﯩﻨﯩﯔ ﺋﻮﻣﯘﻣﻼﺷﺘﯘﺭﯗﭖ ﺋﺎﺗﯩﻠﯩﺸﻰ ﺑﻮﻟﯘﭖ، ﺋﯚﺯﻯ ﺗﻪﯞﻩ ﺭﺍﻳﻮﻧﻨﯩﯔ ﻛﻮﻧﺴﯘﻟﺨﺎﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻠﯩﺮﯨﻨﻰ ﺑﺎﺷﻘﯘﺭﯗﺷﻘﺎ ﻣﻪﺳﺌﯘﻝ ﺑﻮﻟﯩﺪﯗ 

(2) ﺳﺎﻥ ﺟﻪﮪﻪﺗﺘﯩﻜﻰ ﭘﻪﺭﻗﻰ: ﺑﺎﺵ ﺋﻪﻟﭽﯩﺨﺎﻧﺎ ﭘﻪﻗﻪﺕ ﺑﯩﺮﻻ ﺑﻮﻟﯩﺪﯗ، ﻛﻮﻧﺴﯘﻟﺨﺎﻧﺎ ﺑﯩﺮ ﻧﻪﭼﭽﻪ ﺑﻮﻟﯩﺪﯗ.

(3) ﮪﻮﻗﯘﻕ ﺩﺍﺋﯩﺮﯨﺴﻰ ﺋﻮﺧﺸﯩﻤﺎﻳﺪﯗ: ﺑﺎﺵ ﺋﻪﻟﭽﯩﺨﺎﻧﯩﻨﯩﯔ ﮪﻮﻗﯘﻗﻰ ﻛﻮﻧﺴﯘﻟﺨﺎﻧﯩﺪﯨﻦ ﻳﯘﻗﯩﺮﻯ ﺑﻮﻟﯩﺪﯗ ﺑﺎﺵ ﺋﻪﻟﭽﯩﺨﺎﻧﺎ ﺋﯚﺯﻯ ﺗﯘﺭﯗﺷﻠﯘﻕ ﺩﯙﻟﻪﺗﺘﯩﻜﻰ ﺑﺎﺭﻟﯩﻖ ﺭﺍﻳﻮﻧﻼﺭﻧﻰ ﺑﺎﺷﻘﯘﺭﯗﺷﻘﺎ ﻣﻪﺳﺌﯘﻝ ﺑﻮﻟﺴﺎ، ﻛﻮﻧﺴﯘﻟﺨﺎﻧﺎ ﭘﻪﻗﻪﺕ ﺋﯚﺯ ﺗﻪﯞﻩﻟﯩﻜﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻼﺭﻏﯩﻼ ﻣﻪﺳﺌﯘﻝ ﺑﻮﻟﯩﺪﯗ.

(4) ﺑﺎﺵ ﺋﻪﻟﭽﯩﺨﺎﻧﯩﺪﺍ ﺑﺎﺵ ﺋﻪﻟﭽﻰ، ﺋﻪﻟﭽﻰ ﯞﻩ ﯞﻩﻛﯩﻞ ﺑﻮﻟﯩﺪﯗ ﻛﻮﻧﺴﯘﻟﺨﺎﻧﯩﺪﺍ ﺑﺎﺵ ﻛﻮﻧﺴﯘﻝ، ﻣﯘﺋﺎﯞﯨﻦ ﺑﺎﺵ ﻛﻮﻧﺴﯘﻝ، ﻛﻮﻧﺴﯘﻝ، ﻣﯘﺋﺎﯞﯨﻦ ﻛﻮﻧﺴﯘﻝ ﻗﺎﺗﺎﺭﻟﯩﻘﻼﺭ ﺑﻮﻟﯩﺪﯗ.

ﺑﺎﺵ ﺋﻪﻟﭽﯩﺨﺎﻧﺎ ﺑﯩﻠﻪﻥ ﻛﻮﻧﺴﯘﻟﺨﺎﻧﯩﻨﯩﯔ ﺋﺎﻻﮪﯩﺪﻩ ﮪﻮﻗﯘﻗﻠﯩﺮﻯ ﮪﻪﻣﺪﻩ ﻛﻪﭼﯜﺭﯛﻡ ﮪﻮﻗﯘﻗﯩﻤﯘ ﭘﻪﺭﻗﻠﯩﻖ ﺑﻮﻟﯩﺪﯗ.

مەنبە: نۇر تورى

قوشۇمچە: مۇناسىۋەتلىك ئاتالغۇلارنىڭ ئۇيغۇرچە، تۈركچە، ئىنگىلىزچە ۋە خىتايچە سېلىشتۇرۇلمىسى

• باش ئەلچىخانا

تۈركچە: Büyükelçilik

ئىنگىلىزچە: Embassy

خىتايچە: 大使馆

• باش ئەلچى

تۈركچە: Büyükelçi

ئىنگىلىزچە: Ambassador

خىتايچە: 大使

• كونسۇلخانا

تۈركچە: Konsolosluk

ئىنگىلىزچە: Consulate

خىتايچە: 领事馆

• باش كونسۇل

تۈركچە: Başkonsolos

ئىنگىلىزچە: Consul general

خىتايچە: 总领事