«dewr» heptilik Jurnili 22-sentebir 2020-yilliq «dunyadiki tesri kuchluk 100 shexs» ni elan qildi. amerikaliq uyghur adwokat, amerika xelqara dini erkinlik komitetining komissari, uyghur kishilik hoquq qurulushining mudiriyet reisi nuri turkel «dunyadiki tesri kuchluk 100 shexs» qataridin orun aldi.
bu yilliq «dunyadiki tesri kuchluk 100 shexs» tizimlikide amerika prezidenti donald tramp, amerikadiki demokratlar partiyesining prezident namzati jow baydin, teywen prezidenti sey yingwen we xitay dolet reisi shi jinpingmu bar iken.
«dunyadiki tesri kuchluk 100 shexs» ning biri bolup tallanghan nuri turkel ependi mundaq dedi: «bu xewerni anglighandiki hessiyatim nahayiti murekkep. xelqimning azabliq, echinishliq hayatini unumluk anglitip, ‹yuz tesiri zor shexs› ining biri boluptimen. eger wetenim tinch-aman bolghan bolsa, xelqim insaniy qedir-qimmiti bilen yashiyalighan bolsa, manga bu ataqning hech hajiti yoq idi.»
dunya uyghur qurultiyi nuri turkel ependini «dewr» heptilik Jurnilining «dunyadiki tesri kuchluk 100 shexs» namzatliqigha korsetken bolup, dunya uyghur qurultiyining reisi dolqun eysa ependi bu heqte mundaq dedi: «bu qetimliq tallinish peqet nuri turkel ependining yaki dunya uyghur qurultiyining sheripi bolup qalmastin, belki uyghur mesilisining, sherqi turkistan dawasining xelqarada salahiyet qazinishida muhim ehmiyetke ige.»
«dewr» heptilik Jurnili ozining bash betide «‹dunyadiki tesri kuchluk 100 shexs› ni qandaq tallaymiz» serlewhelik maqaliside mundaq dep yazghan: «bu tizimlikte dunya rehberliri we yerlik siyasiy paaliyetchiler, senetchiler we tenheriketchiler, alimlar, igilik tikliguchiler we hetta amerika prezidenti saylimigha qatnishiwatqan shexslermu bar. ular her xil usulda dunyadiki kona qaidilerni buzup tashlighanlar, yengi rekordlarni yaratqanlar, qilghili bolmaydighan ishning yoqluqini bildurgenlerdur. yeni ular izdiguchiler, ozgirishtin we ozgertishtin qorqmaydighanlardur.»
«dewr» heptilik Jurnili «‹dunyadiki tesri kuchluk 100 shexs› ni qandaq tallaymiz» serlewhelik maqalisining axirida mundaq dep yazidu: «tizimliktiki her yili tallap chiqilidighan bu kishilerning her biri dunyagha ozige xas bir ders beridu. bizning hemmisige qoshulushimizning hajiti yoq. emma ular korsetken tesir bizni oylandurmay qalmaydu.»
«dewr» heptilik Jurnili tunji qetim 1923-yili 3-mart nyu-york shehiride neshr qilinghan. 2004-yilidin bashlap her yili shu yilliq «dunyadiki tesri kuchluk 100 shexs» ni bahalap chiqip, elan qilishqa bashlighan. nuri turkel ependi bu tizimlikke kirgen tunji uyghur bolup hesiablinidiken.
