feysbuk 24- mart elan qilghan bayanatida, xitay tor jasuslirining saxta feysbuk hesabati we tor beketlirini echish arqiliq uyghurlarning kompyuter we eqliy iqtidarliq telefonlirigha singip kirishke urunghanliqini ashkarilighan.

shirket bu yuqiri sewiyediki mexpiy meshghulatning uyghur paaliyetchiliri, Jurnalistlar, turkiye, qazaqistan, amerika, suriye, awistiraliye, kanada we bashqa doletlerdiki bir qisim shexslerni nishan qilghanliqini bildurdi.

bayanatqa qarighanda, kompyuter jasusliri Jurnalist we paaliyetchidek korungen kishilerge wakaliten saxta hesabat, saxta tor beket we telefon eplirini echish arqiliq uyghur jemiyitige singip kirishke urunghan.

bezi ehwallarda, kompyuter jasusliri uyghurlar yaqturidighan xewer tor beketlirini eslidikige oxshash qilip yasighan. nishanliq kishiler bu tor beketlerning ulanmisini chekse, ularning kompyuteri yaki eqliy iqtidarliq telefonliri jasusluq yumshaq detalliri teripidin nazaret qilinghan. bu yumshaq detal bu kishilerning orni, kunupka taxtisi we telefon deptiri qatarliq uchurlarni topliyalaydiken.

feysbukning xewirige qarighanda, 2019-we 2020-yilliri jemiy 500 ge yeqin kishi bu tor hujumigha uchrighan.

feysbukning bildurushiche, bu xakkerlar uchur bixeterlik sahesidiki kishiler teripidin Earth Empusa yaki Evil Eye (rezil koz) dep atalghan bolup, ularning nishani uyghur paaliyetchiliri, Jurnalistlar we oktichiler iken.

100 ge yetmeydighan bu xitay xakkerning hesabati feysbuk teripidin ochuruwetilgen. feysbuk bu hesablarning feysbukta yaman gherezlik tor namini dawamliq hembehirlishining aldini alidiken we xakkirlarning hujumigha uchrighan dep qarighan hesablargha uqturush qilidiken.