xitayning sherqiy turkistangha yengi teyinligen partkom sekritari ma shingruy shi jinpingning «shinjangni idare qilish siyasiti» de dawamliq ching turudighanliqini bildurgen.
«shinjang geziti» ning xewer qilishiche, ma shingruy 26-dekabir yekshenbe kuni rayondiki kadirlargha qilghan sozide shi jinpingning orunlashturushni dawamliq ijra qilip, rayonda ijtimaiy muqimliq we ammiwiy tertipni izchil qoghdaydighanliqini eytqan. kozetkuchilerning eytishiche, ma shingruyning bu sozliri bezi gherb doletliri, xelqaraliq musteqil sot mehkimisi we kishilik hoquq teshkilatliri teripidin «irqiy qirghinchiliq» dep eyiblengen xitayning «shinjang siyasiti» de bundin keyinmu chong ozgirish bolmaydighanliqining bishariti iken.
xitay kompartiyesi 25-dekabir tuyuqsiz qarar chiqirip, uyghur aptonom rayonluq partkomning sekritari chen chuengoning buningdin keyin bu wezipini otimeydighanliqini elan qilghan. uning ornigha guangdong olkisining bashliqi ma shingruyni yotkep kelgen. chen chuengo milyonlighan uyghurlarning lager, we turmilerge qamilishi, mejburiy emgekke selinishi, uyghur aililirining weyran qilinishi, uyghur ayallirining tughmas qilinp, uyghur nupusining «pilanliq, sistimeliq we meqsetlik» azaytilishida oynighan roli seweblik xelqarada jawabkarliqqa tartish chuqanliliri kunsayin kuchiyiwatqan bir waqitta wezipisidin ayrilghan.
«shinjang geziti» ning eytishiche, ma shingruy 26-dekabir achqan tunji kadirlar yighinida, «biz shinjang jemiyitidiki uzun muddetlik muqimliqni qetiy saqlishimiz kerek. asangha toxtimighan bu muqimliqni arqigha qayturushqa yol qoymasliqimiz lazim» degen. u sozining mutleq kop qismida shi jinping idiyesini we uning «shinjangni idare qilish pilani» ni dawamliq ijra qilidighanliqi, «yuquri supetlik iqtisadi tereqqiiyat» ni algha surudighanliqini qeyt qilghan. biraq u konkiret ijraatlar toghrisida tepsiliy toxtalmighan.
62 yashliq ma shingruy amerika prezidenti jow bayden uyghur rayonida ishlepchiqirilghan mejburiy emgek mehsulatlirini cheklesh toghrisidiki «uyghur mejburi emgikining aldini elish qanun layihesi» ge imza qoyup, uni resmiy qanungha aylandurughan bir waqitta partkom sekritarliqigha yotkep kelingen.
2021-yili 27-dekabir
