sherqiy turkistan olimlar birlikining uyushturushi bilen sherqiy turkistan xelqining ummetning bir parchisi supitide qoghdilishi we qollashqa erishishi uchun dunyaning herqaysi jayliridiki musulmanlargha chaqiriq qilish meqsitide otkuzulidighan «xelqaraliq sherqiy turkistan muhakime yighini»ning echilish murasimi 10-iyun jume kuni chushtin keyin istanbulning zeytinburnu rayonigha jaylashqan «zeytinburnu kultur we senet merkizi»de otkuzuldi.
quran kerim tilawiti bilen bashlanghan echilish murasimigha dunyaning herqaysi jayliridin kelgen olimalar, muptilar, tetqiqatchilar, siyasetchiler, dolet erbabliri, tesiri kuchluk paaliyetchiler we muxbirlarning ishtirak qildi. yighinda sherqiy turkistan olimlar birlikining reisi dotsent doktur atawulla shahyar soz qilip yighinning echilish meqsitini chushendurup otti.
melum bolushiche, uch kun dawamlishidighan mezkur muhakime yighinigha dunya musulman alimlar birliki bash katipi doktor eli qaradaghi, tonulghan mutepekkur doktor abdulkerim bekkar, dunya musulman alimlar birliki mejlis ezasi we misirning sabiq dini ishlar weziri meslihetchisi doktor muhemmed seghir, kuweyt parlamenti sabiq parlament ezasi doktor welid tabtabai, kuweyt parlamenti sabiq parlament ezasi doktor muhemmed hayif elmetiri, turkiyede tonulghan alimlardin sheyx hesen besri balji, ilim we pikir tetqiqat merkizi qurghuchisi doktor ehsan shenojak, sheyx jubbeli ehmed xoja, amerikidin qanun pirofessori we yazghuchi doktor xalid beydun, engliyediki qurtube teshkilatining qurghuchisi we reisi doktor enes tikriti, engliyediki islamiy teshkilatlar mejlisi ezasi, tonulghan dewetchi doktor heysem heddad, hindoneziyelik dangliq alim doktor dawud rasiyd, malayshiya kelantan wilayiti mejlisi reisi doktor abdullah yaqub, milliy gorush bash meslihetchisi muhemmed turhan, sham olimaliri birlikining reisi we suriye bash muftisi sheyx usame rifai, amerikidiki musulmanlar arisida kuchluk tesirge ige jamaet erbabi, «hemmeylen uchun adalet» we «uyghurlarni qutquzayli» heriketlirining qurghuchisi, shundaqla «Muslim Networks TV»ning qurghuchisi imam abdulmalik mujahid, sudanning sabiq diniy ishlar ministiri we dangliq alim doktor isam elbeshir we doktor hamid idrisiy qatarliqlar qatnishidu we soz qilidu.
2022-yili 10-iyun
