mezkiri istanbulgha jaylashqan sherqiy turkistan maarip we hemkarliq jemiyiti bashchiliqida turkiye we bashqa doletlerdiki onlighan teshkilatlarning hemkarliqida qurulghan xelqara sherqiy turkistan teshkilatlar birliki uyghurlarning derdini islam dunyasigha anglitishni meqset qilghan «sherqiy turkistan xelq diplomatiyesi» asasen ereb we islam elliride turluk ziyaret we diplomatik paaliyetlerni elip beriwatqan bolup, 2-sentebir malaysiyagha yetip barghan bir turluk ziyaret we xizmetlirini dawamlashturmaqta.
igilinishiche, xelqara sherqiy turkistan teshkilatlar birliki reisi hidayetullah oghuzxan, bash katip abdureshit eminhaji, sherqiy turkistan insan heqlirini kozitish jemiyiti reisi we xelqara sherqiy turkistan teshkilatlar birlikining tashqi ishlar mesuli nurmuhemmed mejid turkistaniydin teshkillengen heyet tunji bolup, malaysiya bash ministirliqi doletlik iqtisadiy meslihet kengishining meslihetchisi doktor abdurazaq bilen korushken. korushushte aldi bilen xitayning sherqiy turkistanda ijra qiliwatqan irqiy qirghinchiliq jinayiti, xususen islam we musulmanlarni basturush qilmishlirini tonushturghan. arqidin sherqiy turkistan dewasini sherqiy jenubiy asiyada kuntertipke kelturush we bu mesilide hemkarlishish qatarliq mesililerni muzakire qilghan we pikir birliki hasil qilghan.
teshkilatlar birliki heyiti mezkur uchrishishtin ilgiri yene, sherqiy turkistandiki jaza lagerlirining heqiqiy mahiyitini dunyagha korsitip bergen, malaysiya islam uniwersitetida oqutquchiliq qiliwatqan doktor olsi yaziji we malaysiyadiki bir qisimi ammiwi teshkilatlarning mesulliri bilen korushup, sherqiy turkistan mesilisi heqqide sohbetleshken.
hidayetullah oghuzxan, abdureshit eminhaji we nurmuhemmed mejid turkistaniydin teshkillengen heyet 6-sentebir malaysiya doletlik kitab tereqqiyat we hojjetlik filim fondini ziyaret qilghan we kelguside birlikte qilinidighan xizmetler heqqide pikir almashturghan.
heyet shu kuni yene malaysiya adwukatlar jemiyitining muawin reisi usha kulasegaran, malayshiya yashlar teshkilati ABİM ning reisi faysal ezir, yer shari tinchliq omiki teshkilatining bashliqi fehmi shemsuddin muhemmed we bashqa ammiwi teshkilat wekilliri bilen xitayning sherqiy turkistandiki irqiy qirghinchiliq jinayiti heqqide sohbetleshken.
heyet yene kualalampurda malaysiya parlament ezaliri, axbaratchilar we ammiwi teshkilatlarning ishtirak qilishida, uyghur taam medeniyitini tonushturush paaliyiti otkuzgen.
shuning bilen birge, malaysiyada ziyarette boluwatqan xelqara sherqiy turkistan teshkilatlar birliki heyiti malayshiya taratqulirida sherqiy turkistan mesilisini kuntertipke kelturmekte.
melum bolushiche, sherqiy turkistan insan heqlirini kozitish jemiyiti reisi nurmuhemmed turkistaniy we xelqara sherqiy turkistan teshkilatlar birlikining bash katipi abdureshit eminhaji ependiler 7-sentebir malaysiyaning dolet telewiziye qanalliridin bolghan sinar qanili we ikm qanallirida sherqiy turkistan mesilisini tonushturghan. nur muhemmed ependi bugun 8-sentebir malaysiyaning doletlik qanalliridin biri bolghan awani qanilining pirogrammisigha qatniship, sherqiy turkistan mesilisini chushendurgen we malayshiya xelqini sherqiy turkistan musteqilliq dawasi mesiliside sherqiy turkistan xelqining yenida turushqa chaqirghan.
heyet 8-sentebir yene malaysiya islam uniwersitetining mudiri pirofessor dato zulkifl abdurazaq ependini ziyaret qilghan. ziyaret dawamida akademik tetqiqat we kultur we medeniyet mesililiride hemkarlishish heqqidiki muhim mesililer muzakire qilinghan. heyet axirida pirofessor abdurazaqqa uyghur doppisi bilen ton kiydurgen we sherqiy turkistan bayriqi chushurulgen hediye buyumi teqdim qilghan.
2022-yili 9-sintebir
