essalamu eleykum eziz xelqim! hemminglargha allah taalaning rehmiti, meghpiriti we berikiti mol bolsun!
kozimizning nuri, qelbimizning bahari, dinimizning desturi, islam qanunshunasliqining eng asasliq menbesi, toghra yolning yetekchisi, heqiqetning meshili bolghan ulugh «quran kerim»ning uyghurche terjimisi neshrdin chiqti.
bu terjime peqirning 21 yilliq izchil emgikining semeresi bolup, 2019- yili tunji qetim neshr qilinip, keng musulman xelqimiz bilen yuz korushken idi. shuningdin keyin, terep-tereptin kelgen telep we tekliplerge asasen, terjimini qayta neshr qildurushni oylashtuq. shu munasiwet bilen koprek olimalarni qatnashturup terjimini qayta kozdin kechurush qararigha kelduq. 2020- yili 8- aydin bashlap, qerindishim ebu bekri qarajim bilen «quran kerim» terjimisini korup chiqishqa bashlap, her kunluk korgen ayetlerning terjimisini shu axshimi birlikte muzakire qilip orunlashturduq, axshamliq muzakirimiz ikki saettin tot saetkiche dawamlashti. shundaq qilip ikkimiz terjimini qayta korup chiqqan bolduq. muzakire qilish jeryanida, ozimiz qararlashturushta ikkilinip qalghan jaylarni sawaqdishim we dostum doktor abduleziz rehmetullah bilen muzakire qilduq.
2021- yili 5- ayda, istedatliq olimalirimiz ichidin bir guruppa teshkillep, terjimini qayta tekshurup chiqishni qarar qilduq. shuning bilen istanbuldiki olimalirimizdin ataullah xelpethajim, ebu bekri qarihajim, ubulqasim qarihajim, muhemmedimin qarihajim, abdulqeyyum damollam qatarliqlar mezkur terjimini tekshurushke tallanghan bolup, ular «olimalar birliki»ning reisi dotsent doktor ataullah shahyarning bashlap berishi bilen birlikning ishxanisida ish bashlidi. ular 2021- yili 6- ayning 1- kunidin 7- ayning 20- kunige qeder etigen saet 8din kech saet6ge qeder muntizim ishlep, ikki aygha yeqin waqit ichide bu ishni ghelibilik tamamlidi. ular ayetlerning terjimisi heqqidiki pikir-tekliplirini tepsiliy jedwel qilip teqdim qildi.
seudi erebistandin musa damollahajim bilen dostum we sawaqdishim abdulehed hafiz herbiri terjimini bashtin axir oz aldigha toluq korup chiqip, ozlirining qimmetlik pikir- teklipilirini we tuzitishlirini teqdim qildi. shuning bilen hemme pikirlerni toplap, tuzitishke tegishlik jaylarni tuzitip neshrge teyyarliduq.
mana bugun bu terjimini silerge teqdim qilduq. heqsiz tarqitilidu.
bu terjime «sherqiy turkistan olimalar birliki»ning ishxanisida, sefa koy qutadghubilik kitabxanisida we zeytinburnu teklimakan kitabxanisida taqitilidu. sani cheklik, elishqa aldirang.
terjime ustazning «din we hayat» namliq tor bekitige qoyuldi. oqush, kochurush we ewetish qatarliq mulazimetliri nahayiti ilghar.
tor adresi: https://dinhayat.com
2023-yili 24-fewral
