xitay teripidin muddetsiz qamaq jazasigha hokum qilinghan uyghur folklorshunas, professor rahile dawutqa belgiyediki bir uniwersitetning pexriy doktorluq unwani berildi.

14-oktebir kuni belgiyediki biryussel horriyet uniwersiteti (Université Libre de Bruxelles)da nahayiti ehmiyetlik bir murasim otkuzulgen. bu murasimdiki pexriy doktorluq unwani berilgenlerning qatarida 2017-yilining axiri xitay dairiliri teripidin tutqun qilinip, 2018-yili 12-ayda omurluk qamaq jazasi berilgenliki melum bolghan xelqaragha tonulghan uyghur folklorshunas, pirofessor rahile dawutmu bar bolup, uninggha uyghur folklori sahesidiki ilmiy xizmetliri uchun pexriy doktorluq unwani berilgen.

biryussel horriyet uniwersitetining tor betide bu heqte yezilghan melumatlarda mundaq deyilgen: «uniwersitetimiz ozining uzun yilliq enenisige asasen, putun dunya miqyasidiki ilim-pen, senet we siyasiy ilim qatarliq sahelerde ozlirining oy-pikirliri, xizmiti, ish-heriketliri arqiliq oz dewrige chongqur tesir korsetken shexslerni teqdirlesh yuzisidin ulargha pexriy doktorluq unwani teqdim qilduq.»

bu yil 21-sentebir kuni, amerikadiki «duyxua fondi» (diyalog fondi) bir xitay hokumet emeldaridin igiligen ishenchlik melumat asasida doktor rahile dawutning 2018-yili 12-ayda «bolgunchilik» we «dolet xewpsizlikige zerer kelturush» jinayiti bilen urumchi sheherlik ottura xelq sot mehkimiside sotlanghanliqi we omurluk qamaq jazasigha hokum qilinghanliqini jezmleshturgen idi. «washington pochtisi» geziti bu yil 1-oktebir kuni bu heqte mexsus tehrirat maqalisi elan qilghan bolup, uningda rahile dawutning delosini «uyghur qirghinchiliqida tunjuqturulghan yene bir sada» dep korsetken.

xelqaragha tonulghan uyghur folklorshunas rahile dawut bu yil oktebirde engliye qelemkeshler jemiyiti (English PEN) teripidin 2023-yilliq «xelqaraliq jasaretlik yazghuchi» bolup bahalanghanidi.