abdulhekimxan mexsum hajim xitayning istanbuldiki konsulxanisi aldida namayishqa qatnashmaqta. 

merhum dini alim abdulhekimxan mexsumning wapatining 7 yilliqi munasiwiti bilen 22-dekabir kuni istanbulda merhumni eslesh we ish-izlirini tonushturush yighini otkuzuldi.

sherqiy turkistan maarip we hemkarliq jemiyitining uyushturushi bilen otkuzulgen bu yighinda sherqiy turkistan teshkilatlar birliki reisi hidayetulla oghuzxan soz qilip, merhumning ish-izlirini tonushturup otti we merhumning turkiyede qurulghan sherqiy turkistan maarip we hemkarliq jemiyiti, shundaqla sherqiy turkistan olimalar birlikining qurulushida muhim rol oynighanliqini tekitlidi; andin merhumning dewa ishlirigha warisliq qilip, axiriqi ghayige yetish uchun tirishchanliq korsitidighanliqini ipadilidi.

yighinda soz qilghan jamaet erbabi abduqadir yapchanning bildurushiche, u merhum abdulhekimxan mexsum bilen tunji qetim 1990-yili 2-ayda qaghiliqta tonushqanliqini, 1996-yili turmide uchrashqanliqini, keyin her ikkisi turmidin chiqqandin keyin 1997-yili we 2002-yili misirda korushkenlikini, 2006-yili turkiyede sherqiy turkistan maarip we hemkarliq jemiyitini birlikte qurghanliqini bildurdi.

abduqadir yapchan ependi merhum abdulhekimxan mexsumning peziletliri ustide toxtilip otti hemde bugunkidek murekkep siyasiy weziyette, ashundaq dahiy supet shexslerning intayin qedri otuluwatqanliqini, merhumni eslep turidighanliqini ipadilidi.

yighinda soz qilghan sherqiy turkistan olimalar birliki reisi doktor alimjan bughda, merhum lider abdulhekimxan mexsumni yurti qaghiliqtin bashlap tonuydighanliqini, uning dini alim abdulhekim mexsum (merhum bilen isimdash) hajimda dini ilim tehsil qilghanliqini, bir tereptin oqup, yene bir tereptin terbiyelesh merkizi echip yashlarni terbiyeligenlikini, buning bilen xelqni oyghitish herikiti elip barmaqchi bolghanliqini eslep otti.

doktor alimjan bughda sozide yene, weten-millet, din uchun xizmet qilghan abdulhekimxan mexsumdek alimlar arqiliq kimlik we mewjutluq engimizning saqlinip qalidighanliqini tekitlidi.

axirida sherqiy turkistan nuzugum aile we medeniyet jemiyitining reisi munewwer ozuyghur xanim soz qilip, abdulhekimxan mexsumning ayallarning bilim igilishige alahide ehmiyet bergen yetekchi ustaz ikenlikini, ayallargha terbiye xarakterlik leksiye berip kelgenlikini tilgha elish bilen birge, uning «erler bilim igilise ozlirini terbiyeleydu, ayallar bilim igilise ozlirini terbiyelepla qalmay, erliri we balilirinimu terbiyeleydu» , degen sozlirini xatirilep otti.

yighin axirida merhum abdulhekimxan mexsum hemde weten xelqning azadliqi yolida shehit bolghan barliq qehrimanlarning rohigha atap dua oquldi.

abdulhekimxan mexsum 1964-yili qaghiliqta toghulghan bolup, bashlanghuch we ottura mektepni qaghiliqta oqup putturgendin keyin, 1984 yili uyghur diyaridiki meshhur meripetperwer olimalardin biri bolghan merhum abdulhekim mexsum hajimning qaghiliqta achqan medriske oqushqa kirgen. keyinche telim-terbiye xizmiti bilen shughullinip nurghun yashlarni yetishturup chiqqan. 1992-yili xitay teripidin qolgha elinip tot yil turmide yatqan. 1996-yili chetelge chiqqan we keynche ezher uniwersitetida ilim tehsil qilghan. 2005-yilidin buyan ailsi bilen istanbulda yashighan bolup, izchil dewa yolida xizmet qilip, 2016-yili 22-dekabir toyuqsiz biaram bolup wapat bolghan.

abdulhekimxan mexsum haji 2006-yili istanbulda bir qisim sawaqdash we sepdashliri bilen meslihetliship» sherqiy turkistan maarip we hemkarliq jemiyiti «ni qurup chiqidu we bu jemiyetning mesulluqini ustige elip, xizmetlirige yetekchilik qilidu. u bu jemiyetning qurulushidin tartip taki wapat bolghan 2016-yilghiche xelqi uchun tinim tapmay xizmet qilghan bolup, sherqiy turkistan dewasini dunyagha anglitish meqsitide «istiqlal telewiziyesi» , uyghur tili we medeniyitini qoghdash uchun «sutuq bughraxan neshriyati we kitabxanisi» , uyghur oqughuchilarning yeslidin tartip uniwersitetqiche oqushi uchun «sutuq bughraxan ilim we medeniyet wexpi», toghra diniy eqidilerni bildurush uchun «sherqiy turkistan olimalar birliki» qatarliq bir yurush jemiyet we organlarning qurulushida aktip rol oynighanidi.

2023-yili 25-dekabir