kok bayraq, 2024-yili 11-yanwar

 

xitayning teywen ishliri mesuli jang jijun teywenliklerge yollighan yengi yil tebrikide, ularni otkuzulush aldidiki prezdent saylimida aqil bolushqa we toghra yolni tallashqa chaqiriq qildi. menche, hayati boyi demokiratik bir saylamni bashtin kechurup baqmighan jang jijunning 50 yildin beri erkin saylam elip beriwatqan teywenliklerge saylamning toghra yoli heqqide leksiye sozlishi bir yumurdur. yumur bolghandimu bir qara yumurdur. xitayning bu xil qara yumurlirini anglap we derdini tartip keliwatqan bir xelqning ezasi bolush) bir uyghur bolush ( supitim bilen mezkur qara yumurning esli menisini derhal sherhiyliwetishni tarixiy bir wezipe dep qaridim.

 

«teywenlikler qoynimizgha qaytip kelinglar" menisdiki bu chaqiriqning sherhinamisi mundaqtur:

 

1. «pikir erkinliki» diyilidighan qorsaq toyghuzmaydighan bu quruq geptin waz kechinglar. qoynimizgha qaytip kelsenglar patiye mekteplirimiz we rehberlirimiz toghrini we heqiqetni nahayiti addi qilip ogitip qoyidu, hetta mingenglerge quyuwetidu. kalla ishlitishtin ibaret bu mushkul ishtin qutulisiler, qol we pachiqinglargha tayinipla yashaydighan asan yolgha erishisiler.

 

2. « namayish" deydighan u qalaymiqan we xeterlik ishnimu untup ketinglar. buni unutsanglar etigendin kechkiche bash koturmey ishleydighan yaxshi adetni yetildurisiler. baldur we tatliq uxlaydighan bolsiler...uxliyalmay qalsanglar tangatqiche qanal yotkeydighan ish yoq, birla CCTV ni korsisiler waqit israp qilmaysiler.

 

3. saylam uchun 4 yilda bir sanduq beshigha berip aware boluwatsiler, pul chiqim qiliwatisiler, bezide texi bir-biringlar bilen urushiwetisler. qoynimizgha qaytip kelsenglar, bu awarichliqtin qutulisiler. aranglardin bir nechchini wekil qilip teyinlep berimiz, ular telipinglarni yetkuzidu, ularning bizning qandaq geplerni anglashni xalaydighanliqimizni yaxshi bilidu, shunga bizge kelgen telipinglarning hichbirsi ret bolmaydu.

 

4. bixeterlik jehettin amerikining zamniwiy qorallirigha ishinip ketmenglar, ularda bar qoralning hemmisi bizde bar bolushtin bashqa bizde yene tolup-tashqan nopusimiz bar. siler qoynimizgha qaytip kelgen kunning etisidin bashlap bu nopusimiz silerge qarap eqishqa bashlaydu we biringlargha birnechchidin qoshna bolup olturup, bixeterlikinglarni ebediy qoghdaydu. qisqighine waqit ichide 20 nechche milyon nopusluq ajizane teywendin 100 milyon nopsuluq heywetlik teywenge aylinisiler.

 

5. elwette sewze bar yerde gurjekmu bar... aranglarda intizamsizlar chiqip qalsa, xongkongdiki buzghunchilarni ujuqturghandek ujuqturimiz... aranglarda bolgunchiler chiqip qalsa, uyghurlarni dawalighandek lagirlarda dawalaymiz. aranglarda tibetlerdek xurapiylar chiqip qalsa butxanilirini chaqimiz, jennnet we dozaqning nimilikini mushu dunyadila korsitip qoyimiz...

 

6. tenchliqmu? tenchliqni qoghdashning chimpiyoni biz. biz rosiyedek exmeqlarche qan tukmeymiz, uyghurlarni jondigendek, turmilerde bedenlirini chiriwtietimiz, israiliyedek hamaqet emesmiz. gazzada qilghandek, qilmishlirimizni dunyagha yeyiwetmeymiz, oluklerni yeng ichide bir terep qilip usul oynawatqanlarni ikrangha chiqirimiz. biz qan tukmey olturimiz, awazsiz jan alimiz; olturup bolup sotichimu, teptishmu ozimiz bolimiz. qolimzidiki qan qurumay turupla xelqaara sehnige tenchliqning elchisi we kelishturguchisi bolup chiqalaymiz.

 

7.... nime adalet demsiler? kompartiye adaletning ozi tursa, kompartiye astida adaletsizlik bolushi mumkinmu? quyashning astida nursiz, dengizning ichide susiz qelish mumkinmu????.........

 

shundaq, bu sherhini dawamlashtursaq nomur 70 ke berishi mumkin...allah dunyaning neride bolsa bolsun, kishilerni bundaq qara yumurlarni anglashqila nesip qilsun, bashtin kechurushke nesip qilmisun. . bugun teywenliklerni oz qoynigha qaytip kelishke chaqiriq qiliwatqanlarning ejdatliri 1949 ‏-yili sherqi turkistangha qedem basqan cheghida, uyghurlarning sotsiyalizm qurushigha yardem qilidighanliqi heqqide dem urghan. tarixchi, doktor nebijan tursunning yengi kitaplirida deyilginidek, geniral wang jen , xitayning sherqi turkistandin 3 yil ichide chekinip chiqip ketidighanliqini eytqan bu heqte wede bergen. hazir chekinish mudditi toshqini 72 yil boldi, chekinish uyaqta tursun, uyghur qirghinchiliqi dawam qiliwatidu.