uyghur akademiysi yeqinda wapat bolghan ijtihadliq we kop qirliq uyghur ziyali perhat qurban tengritaghli ependi uchun xatirilesh yighini otkuzgen.
akademiyening ijtimaiy taratqu hesablirida bu heqte ilan qilghan xewiri towendikiche:
merhum doktor perhat qurban tengritaghlini xatirilesh yighini 2024-yili 1-ayning 20- kuni shenbe saet 16:00 da istanbul sefakoydiki uyghur ilim we medeniyet tetqiqat wexpi yighin zalida otkuzuldi.
turkiyening her qaysi sheherliridin kop sanda uyghur ziyaliyliri we uyghur teshkilat mesulliri ishtirak qildi.
aldi bilen merhumning rohigha atap sherqiy turkistan olimalar birlikidin omer qarim quran oqudi. arqidin merhumning sawaqdash we sepdashliridin professor alimjan inayet, professor erkin emet, doktor meghpiret kamal we qizi guldiyar tengritaghli xanimning melumat berishi bilen merhum doktor perhat qurban tengritaghli ependining ish-izliri eslep otuldi we merhumning eserlirini kopchilikke tonushturdi.
uyghur akademiyesi reisi doktor rishat abbas ependi bilen germaniyedin enwerjan ependi yighin ehlige salam yollap, merhum doktor perhat qurban tengritaghlining ailisige sewir tilesh bilen birge, merhumning wapatigha ozining chungqur qayghusini yetkuzdi. axirida sherqiy turkistan olimalar birlikidin mexmut damollam merhumning rohigha atap dua qildi. axirida jamaet uyghur polosigha eghiz tegdi.
merhum doktor perhat qurban tengritaghli ependi uyghur yashlirimiz ulge elishqa tegishlik iradilik, qeyser, temkin we ozining musteqilliq ghayisidin esla waz kechmigen, taki tinighining axirqi minutlirighiche milliy musteqilliq herikitimiz uchun xizmet qilghan milliy koresh sepimizning gholluq tuwruklirining biri idi. yatqan yeri jennette bolghay.
2024-yili 22-yanwar
