ijtimaiy taratqularning tuzaqlirigha chushup ketmeng!

feysbuk, inistagram, tiwetter qatarliq ijtimaiy taratqularda tarqitilidighan nersilerning hemmisining eng az degende birerdin gherizi we meqsiti bar. bezisi yaxshiliqni tarqitip sawab tepishni xalaydu, bundaq kishilerge mubarek bolsun. bezisi ozini meshhur qilishni xalaydu, bezisi pitne- pasat terishni xalaydu, bezisi iqtidarliq kishilerge bolghan hesetni obzor, tenqid, tuzitish degendek isimlar bilen perde arqisida yoshurunup turup ipadileydu, chunki ular dadisi qoyghan isim bilen otturigha chiqishqa juret qilalmaydighan derijide namerd we qorqunjaq mexluqlardur. bezisi zmzem quduqigha siygen erebke oxshash xelq meni tillisimu namim chiqsun dep ish koridu, bezisi uyghurlar uchun xizmet qiliwatqan teshkilat we jemiyetlerni, shundaqla muhim shexslerni etibasizlashturush uchun xojayinlirining korsetmisi boyiche buzghunchiliq qilidu, bezisi kim kop yurek berse menmu el qataridin qelip qalmay dep ozi oqup yaki anglap baqmigha yaki chushenmigen nersilerge yurek beridu. bularning hechqaysisi qilmishlirini ikki perishtining yezip turidighanliqidin hech ensirimeydu. chunki, ular allahtin qorqmaydu. emdi qandaq qilish kerek?

1, chiwindek pakiz we paskina nersilerning hemmisige qonmay, hesel herisidek pakiz, xushpuraq nersilerge qonung. meyli tarqiting yaki yurek bering, bu qilghinimni allah yaxshi koremdu we xelqimge paydiliqmu degenni obdan oylap ish kurung.

2. nemini tarqiting we nemige yurek bering, allahning aldida choqum hesab beridighanliqingizni untup qalmang. chunki qiyamet kuni ashu barmaqliringiz sizge qarshi guwahliq beridu.

3. barmaqliringizning sizni ya allahning rehmitige we meghpiritge yaki uning ghezipige we jazasigha elip barighanliqini obdan oylap ish korung.

4. birawning abruyini chushurgen yaki tillighan nersilerni taqitip yaki yurek berip, gheywetke we tohmetke sherik bolup qalmang, chunki u chaghda ibadetlingiz sizni allahning jazasidin qutquzalmaydu.

5. ijtimaiy taratqularda sozligen yaki yazghan kishilerni yeterlik tonumisingiz yaki korub baqmighan bolsingiz ishinip ketmeng. chunki, dushmen sizni qayil qilidighan qehrimanlarni ishlepchiqirip turidu. mundaqla sizni tenqidligen yaki sizge qaritip obzor yazghan bolsimu, uninggha hech ehmiyet bermeng. shundaq qilsingiz ular bazar tapalmaydu. ular bu alemde sizge heqiqiy yuzini korsitelmigendek, qiyamet kuni allahning aldighimu yuzi yoq chiqidu.

6. diniy mesililerde tegi- tekti bilinmigen yaki dadisi ezan chaqirip qoyghan ismi bilen otturigha chiqalmaydighan yaki yengidin tor dunyasigha peyda bolup qalghan ellamilerge ishinip ketmeng. chunki, ozining ismigha ishenmigen ademge siz qandaq ishinisiz? untumangki, otmushlerde ejdadimiz bundaqlarning derdini kop tartqan. siz hergiz taqma isim qollanmang, chunki, ismingizni yoshurghan bilen, qilmishingizni allahtin yoshuralmaysiler. insalar sizni edepliyelmigen bilen, allah jazaliyalaydu. (siyasiy jehettin ozrisi bar kishiler buningdin mustesna).

7. ijtimaiy taratqularni qollinishqa chek qoyung. chunki herbir waqtingiz omringizning bir parchisidur. qiyamet kuni awwal omurni nemige serp qilghanliqtin sorilidu. shunga allahqa hesab berelmeydighan, wijdaningizgha jawab berelmeydighan ishni qilishtin hezer eyleng. hayatta meshhur bolush uchun emes, muhim adem bolush uchun tirishing. chunki, tillarda dastan bolghan peyghemberler we ulgilik zatlar hemmisi muhim kishiler idi. axirda shuni qetiy untumangki, entrnet sizning yaxshi yollargha qollinishingiz uchun ata qilinghan bir nemet. shunga uni ozingizning we xelqingizning paydisi uchun ishlitingki, kishilerni azdurush yaki birawlarning eybini izdep allahqa yuz kelelmeydighan chong gunahlarni sadir qilishtin saqlining. chunki allah bendilirining eyiblirini yogep tursa, siz achimen desingiz, uninggha jeng elan qilghan bolisiz. bu jengde yengip chiqalamsiz? pirewnmu yengelmigen, ad we semudqa oxshighan kuchluk qewmlermu yengilgen. sheksizki, allah ozining heqqidin otidu, emma bendilirining heqliridin otmeydu.