atalmish uyghur aptonom rayonluq hokumetning reisi erkin tuniyaz 2-april qirghizistan prezidenti sadir japarof bilen korushken. bu uning ottura asiya sepirining qazaqistan we ozbekistandin keyinki uchinchi bekiti. ikki terep arisida soda hemkarliqini kucheytish we qirghizistan bilen qeshqer arisida awiatsiye liniysi echish qatarliq temilar muzakire qilinghan. 

ottura asiya waqti torining xewer qilishiche, ikki terep otturisida, 50 din artuq xitay shirkitining soda wekillirining ishtirak qilishi bilen reqemleshturush, qatnash, eshya oboroti, meblegh selish, dehqanchiliq we insanperwerlik turliri toghrisidiki teklipler muzakire qilinghan.

qirghizistan prezidenti japarof xitayning oz dolitining asasliq soda we meblegh selish sheriklirining biri ikenlikini bayan qilip, xitay-qirghizistan-ozbekistan tomur yoli qurulushining muweppeqiyetlik ilgiriligenlikini tilgha alghan.

ikki terep yene, az uchraydighan metallar sahesidiki hemkarliqlarni we qirghizistanning osh shehiri bilen qeshqer shehiri arisida awiatsiye liniyisi echish mesilisini muzakire qilghan.

erkin tuniyaz yene qirghizistan ministirlar kabinetining reisi aqilbek japarof bilen korushken. u: «soda we iqtisadiy hemkarliqta biz shinjanggha tayinimiz. xitayning bu rayoni biz uchun dolitinglargha echilghan bir xil derwaza » degen.

xitayning statistikisigha qarighanda, 2023-yili ikki dolet otturisidiki soda oboroti 19 milyard 800 milyon dollar bolghan bolup, 2022-yilidin buyan% 30 ashqan.

xitayning sherqiy turkistandiki irqiy qirghinchiliqi dawamlishiwatqan bir peytte, ottura asiya dolet bashliqlirining xitay ziyaritiide uyghur diyarida toxtap otushi, shundaqla erkin tuniyazning xitaygha wakaliten ottura asiya doletliride ziyarette bolushi diqqet tartmaqta. 

2024-yili 2-april