teywende 25 yildin buyanqi eng kuchluk yer tewresh yuz bergendin keyin, hokumet xitayning yardem teklipini ret qildi, shundaqla xitayni pursetpereslik we nomussizliq qilish bilen eyiblidi.
3-aprel charshenbe kuni seherde, teywenning sherqidiki xulien shehiride 7.4 bal yer tewridi. bu teywende 1999-yilidin buyanqi eng chong yer tewresh bolup, xitayning sherqiy qisimliridiki fujyen qatarliq olkilerde we shangxeyde hes qilinghan; yaponiyening okinawa wilayitidimu tewresh korungen; filippin dairiliri dengiz shawquni yuz berish ihtimalliqigha qarita sahillarni tarqaqlashturushni telep qilghan.
teywen dairilirining peyshenbe kuni bildurushiche, yer tewreshte hazirghiche 10 adem olgen, mingdin artuq adem yarilanghan we 52 adem yoqap ketken bolup, qapsilip qalghan 700 adem qutquzushni kutmekte iken.
xitay ijtimaiy alaqe supilirida bolsa, teywendiki yer tewreshni mesxire qilish we xushalliqni ipadilesh yazmiliri we inkasliri kopeygen. eng chong ijtimaiy alaqe supisi weyboda bezi qollanghuchilar teywendiki yer tewresh heqqide apettin keyip alghanliqini bildurup mesxiret qilghan. bezi bilogchilar hetta beyjingni purset bolsila teywenge yardem qilish bahanisi bilen ishghaliyetke esker ewetishke chaqirghan.
xitayning teywen munasiwet ishxanisi yer tewreshtin keyin bu doletke apet yardimi berish teklipi bergendin keyin, teywenning xitay ishliri ishxanisi ozlirining yardemge mohtaj emeslikini otturigha qoydi.
xitayning birleshken doletler teshkilatida turushluq muawin wekili geng shuang 3-aprel charshenbe kuni bixeterlik kengishide, «xelqara jemiyetning teywende yuz bergen kuchluk yer tewreshke kongul bolgen we hesdashliq qilghanliqigha minnetdarliqini bildurgen».
teywen merkizi agentliqining xewer qilishiche, geng shuangning bu sozi teywende naraziliq peyda qilghan. buninggha qarita, teywen tashqi ishlar ministirlikining bayanatchisi lyu yongjyen naraziliqini ipadiligen. u xitayning teywendiki yer tewreshtin paydilinip xelqara sehnide ideologiye jengi qilishtek nomussiz qilmishi eyibligen hemde bu peqet xitayning teywenge qarita siyasi hesab kitabtin bashqa yaxshi niyiti yoqluqidek mustebitlik xarakterini gewdilendurdi, dep korsetken.
lyu yongjyen teywenning demokratik saylanghan hokumitiningla xelqarada 23 milyon 500 ming teywen xelqige wekillik qilalaydighanliqini, teywenning xitayning bir qsimi emeslikining xelqarada etirap qilinghan obyektip pakit we hazirqi ehwal ikenikini qayta tekitligen.
u yene, teywende yer tewresh yuz bergendin keyin, nurghun doletler we xelqaraliq teshkilatlarning teywen hokumiti we xelqidin hal sorap yardem qilghanliqini tilgha alghan we ulargha rehmet eytqan.
2024-yili 4-mart
