1990-yili 5-aprel yuz bergen barin qirghinchiliqining 34 yilliqini, shehitlerni xatirilesh hemde xitayning sherqiy turkistanda dawam qiliwatqan irqiy qirghinchiliq jinayitini, mubarek ramizan eyida sherqiy turkistan xelqining roza tutushini cheklesh jinayetlirini kuntertipke kelturush uchun, istanbuldiki xitay bash konsulxanisi aldida «barinni untumaymiz, roza tutushtin waz kechmeymiz» temisda namayish hemde axbarat elan qilish yighilishi otkuzuldi.

xelqara sherqiy turkistan teshkilatlar birlikining teshkillishi bilen otkuzulgen namayish we axbarat elan qilish yighilishida aldi bilen birlik reisi hidayetullah oghuzxan bayanat oqup otti. bayanatta bugun xatiriliniwatqan barin qetliamining 1990-yili 5-aprel ramizan eyida, sherqiy turkistanning aqtu nahiyesi barin yezisida yuz bergenliki heqqide qisqiche chushendurush berildi. arqidin barin qetliamining xitayning rayonda ijra qiliwatqan mejburiy tughut cheklesh qatarliq qilmishlirigha qarshi qozghalghan xelq qozghilingi ikenliki, buningdin jiddiyleshken xitay tajawuzchilirining xelqni qattiq basturghanliqi, zeydin yusup bashchiliqidiki yashlarning xitayning irqiy qirghinchiliq jinayitige qarshi qozghalghanliqi, xitayning buni bahane qilip chong-kichik demestin xelqni qirghin qilghanliqi, nechche ming yashning tutqun qilip olum jazasi bergenliki bilduruldi.

axbarat elan qilishtin keyin yighilishqa ishtirak qilghanlar birlikte iptar qildi. yighilish shehitlerning rohigha atap dua qilish bilen ayaghlashti.

2024-yili 6-april