d u q bayanatchisi zumretay erkin rozwelt erkinlik mukapatini tapshuruwaldi

dunya uyghur qurultiyining bayanatchisi, qurultay ayallar komitetining mudiri we qurultay xelqara alaqe bolumining direktori zumretay erkin 2024-yilliq rozwelt erkinlik mukapatigha tallanghan bolup, tunugun gollandiyede otkuzulgen bir murasimda mukapatini tapshurup alghan.
 
d u q axbarati we erkin asiya radiosining xewer qilishiche, zumretay erkin 11-april, amerikining 32-pirezidenti rozweltning ana yurti we rozwelt fondi jemiyitining merkizi jaylashqan gollandiyening middelburg shehiride dunyaning herqaysi elliridin kelgen yuqiri derijilik erbablarning qatnishishida otkuzulgen daghdughiliq mukapat tarqitish murasimida «rozwelt erkinlik mukapati» ni tapshurup alghan

rozwelt fondi jemiyiti teripidin yilda bir qetim 4 kategoriye boyiche tarqitilidighan we «erkinlik mukapati» depmu atalghan mezkur mukapat, pirezident rozwelt teripidin 1941-yili 1-ayning 6-kuni amerika dolet mejliside elan qilinghan. 1950-yilidin etibaren bu mukapat insanlarning 4 chong erkinliki pirinsipigha tayanghan alahide erkinlik mukapati bolup qalghan. bu 4 chong erkinlik insanlarning pikir erkinliki, ibadet erkinliki, yoqsulluqtin qutulush erkinliki, qorqunch we teshwishtin qutulush erkinlikidin ibaret.

zumretay erkin buning ichidiki ibadet erkinliki kategoriyesi boyiche mukapatqa layiq korulgen. u, bu mukapatni tapshurup alghandiki xushalliqini kopchilik bilen ortaqlashti hemde uning roza heytta bir uyghur qizigha berilishining chongqur menige ige ikenlikini bildurdi.

mukapat tarqitish murasimi uchun, zumretay erkin, dolqun eysa, qurultay teshwiqat bolumi xadimliri 10-aprel gollandiyege yetip kelgen. murasimgha qurultayning gollandiye wekilliri we gollandiyediki lager shahiti qelbinur sidiq, shundaqla belgiye uyghur jemiyiti wekillirimu qatnashqan.

bu mukapat tarqitish murasimgha gollandiye xan jemeti we gollandiye hokumitining yuqiri derijilik emeldarliri qatnashqandin bashqa, dunyaning her teripidin kelgen siyasetchiler, siyasiy paaliyetchiler, diplomatlar, axbaratchilar qatnashqan. yighindin keyin zumretay erkin we dunya uyghur qurultiyi reisi dolqun eysalar gollandiye padishahi wilyam bilen ayrim sohbet elip berish pursitige erishken bolup, zumretay erkin gollandiye padishahi wilyamgha uyghur irqiy qirghinchiliqini tonushturghan.

2024-yili 12-april