bu yil roza heytta, muhajirettiki uyghurlar jamaetke tonushluq ikki shexstin waqtsiz ayrilip qaldi. ularning biri uyghur bowaylagha xas simasi we paaliyetlerdiki xush awazi bilen tonulghan yekenlik abdushukur akimiz, yene bir uyghur ayalliri arisidiki aktipliqi we perzent terbiyisi bilen tonulghan ayshe xanim.
roza heyt namizini jamaet bilen birlikte oqughan abdushur hajim taghimiz 12-april yeni heytning uchinchi kuni seherde baqiy alemge seper qildi. uch kundin keyin, bir mezgildin buyan borek keselliki seweblik doxturxanida dawaliniwatqan ayshe yasin xanimning wapat xewiri keldi.
abdushukur hajim yekenlik bolup, 1946-yili toghulghan, ilgiri imametchilik qilghanliqi melum. 2013-2014 yilliri bashqa minglighan uyghurlar bilen birlikte sherqiy jenubiy asiyadin turkiyege hijret qilip kelgen. bu jeryanda oghlining xitay saqchiliri teripidin tutup ketilgenliki we on yilliqtin artuq kesilgenliki melum. u perzentliri we newriliri bilen turkiyege kelgen bolup, bu jeryanda istanbul we qeyseride yashighan. yeqinqi yillarda, uyghurlarning paaliyetlirige aktip qatniship, ozining mulayim, xush piilliqi bilen hormetke erishken bolsa, hokmet we shilarni oqushliri bilen kongullerdin orun alghan idi. uning abdurehim otkurning «iz» namliq sheirini ahanggha selip oqushi muhajirettiki uyghurlar arisida tarqilip alqishqa erishken idi. merhumning namizi qeyseride oquldi.
abdushukur hajim we bashqa minglighan uyghurlargha oxshash xitay zulmi seweblik turkiyege kelgen ayshe xanim, yoldishi we perzentliri bilen istanbulda yashawatqan idi. u uyghur ayalliri arisidiki aktipliqi, janliqliqi we perzent terbiyisi jehetlerdiki tirishchanliqi bilen tonulghan. u turluk siyasiy we medeniyet paaliyetlirigimu aktip qatnashqan, shundaqla yeqinda xush awazi bilen qoran kerimning uyghurche terjimisini oqup tarqatqan. merhumning meyt namizi bugun istanbul sefakoydiki fatih jameside oqulup, arqidin siliwri rayonidiki gumushkaya mazarliqigha depne qilinidu.
her ikki merhumgha allahtin rehmet tileymiz! makanliri jennet bolsun!!!
2024-yili 16-april
