16-april kuni, amerika dolet mejliside «uyghur guruppisi» (Congressional Uyghur Caucus) ning qurulghanliqi resmiy jakarlanghan bolup, mezkur paaliyetke amerika dolet mejlisining kopligen ezaliri, kishilik hoquq mutexessisliri, tetqiqatchilar, lager shahitliri we paaliyetchiler qatnashqan.
washingtondiki «uyghur herikiti» teshkilatining teshebbusi bilen otkuzulgen mezkur muhim paaliyetke amerika dolet mejlisi ezaliri, «amerika doletlik demokratiyeni ilgiri surush fondi jemiyiti» qatarliq teshkilatlarning rehberliri, bezi uyghur teshkilatlirining reisliri, uyghur paaliyetchiliri we lager shahitlirimu qatniship ayrim-ayrim tebrik nutqi sozligen.
amerika dolet mejlisidiki uyghur guruppisi xitay hokumiti uyghurlargha qaritiwatqan irqiy qirghinchiliqni hel qilish we bu heqtiki chushenchini ashurush meqsiti bilen qurulghan bolup, yighinda awam palatasi tashqi munasiwetler komitetining reisi mayk makkol, awam palata ezasi tom suzi we awam palata ezasi kiris simit qatarliqlar kirish sozi qilghan. ular sozliride, amerika dolet mejliside qurulghan bu guruppining uyghurlargha elip beriliwatqan irqiy qirghinchiliqqa bolghan nepret we hoshyarliqni kucheytip, 21-esirdiki bu eng eghir kishilik hoquq pajiesini tugitish uchun qetiy tirishidighanliqini tekitligen.
amerika dolet mejlisi qarmiqidiki «xitay ishliri ijraiye komiteti» ning reisi kristofer simit sozlewatidu. 2024-yili 16-aprel, washington
bu yighingha yene, amerika dolet mejlisi amerika-xitay riqabiti alahide komitetining reislirining biri, awam palata ezasi raja kirishnamorti, awam palata tashqi ishlar komiteti ezasi maykel waltiz, awam palata ezasi jennifer wekiston xanim, amerika xelqara diniy erkinlik komiteti komissari nuri turkel, amerika doletlik demokratiyeni ilgiri surush fondi muawin reisi brayn josif we dunya uyghur qurultiyi reisi dolqun eysa qatarliqlar qatnashqan hem soz qilghan.
uyghur herikitining ijraiye direktori roshen abbas xanim yighinda soz qilip, amerika dolet mejliside uyghur guruppisining barliqqa kelishining ehmiyitige yuqiri baha bergen. u sozide «bu guruppa uyghur mesilisining amerikadiki asasiy eqimgha kirgenlikining heqiqiy signali» dep bahalighan. shundaqla u, eyni chaghda dolet mejliside uyghur guruppisi qurush heqqidiki telipige qulaq selip, bu ishni wujudqa chiqarghan awam palata ezasi tom sozi we kiris simitlargha teshekkurini bildurgen.
2024-yili 18-april
