amerika bilen sabiq sowetlar ittipaqini merkez qilghan ikki lager otturisidiki soghuq urush ewjige koturulgen 1960-yillarda, germaniyening myunxen shehiridin anglitish beridighan «azadliq radiyosi» ning uyghurche programmilirimu barghanseri janlinidu. del mushu yillarda ghulamidin paxta «azadliq radiyosi» teripidin nyu-yorktiki bash shitabqa ewetilip, ottura asiya xewerlirini anglitidighan muxbirliqqa teyinlinidu.

ghulamidin paxta ailisini elip, nyu-york shehirige yerleshken 1966-yilida, putkul amerikada aran ikki neper uyghur mewjut idi. ene shuningdin bashlap ghulamidin paxtaning amerikadiki hayati bashlinidu. u bu jeryanda «azadliq radiyosi» ning nyu-yorktiki bash shitabidin bashqa yene, «pan-amerika hawa yolliri» da, «amerika awazi» ning ozbekche bolumide qoshumche xizmet qilidu.

shu yillarda u yene aktip siyasiy paaliyet elip beriwatqan «amerika turkistanliqlar birleshmisi» ning muawin reislikini ustige elip, sherqiy turkistanning ay-yultuzluq kok bayriqini nyu-yorkning kochilirida lepilditidu. «turkistan birliki awazi» Jurnilining bash muherrirlikini oteydu.

dunyaning qaysi jayida uyghurlar we ottura asiya temisida yighinlar yaki paaliyetler otkuzulse, shu yerge uchup berip qatnishidu. qisqisi, 1980-yillarning ikkinchi yerimidin bashlap amerikada oqush uchun kelishke bashlighan uyghur oqughuchilar peyda bolghangha qeder, u uyghurlarning awazini amerika hokumiti we xelqige anglatqan yegane kishi bolup kelgen idi.

- qutlarn

menbe: erkin asiya radiosi

2024-yili 30-may