1950-yillarning ikkinchi yerimida turkiyedin ayrilip, gherbiy germaniyege barghan yash ghulamidin paxta birqanche yilliq tirishchanliq netijiside myunxendin anglitish beriwatqan «azadliq radiyosi» da yengi bir sehipe achidu. ghulamidin paxtaning tirishchanliqi bilen «azadliq radiyosi» ning «turkistan-1» bolumide tesis qilinghan uyghurche anglitish deslepki heptide 5 minutluq anglitishtin keyinche 15 minutqa, andin yerim saetke tereqqiy qilidu. uyghurche anglitish bolumining xadimlirimu deslepki bir kishidin kopiyip, keyinche polat qadiri turpani, sattar bulbul chobani, erkin alptekin, enwerjan we saadetxanni oz ichige alghan bir guruppa kishige aylinidu. shundaq qilip, «azadliq radiyosi» da echilghan uyghurche radiyo anglitishi, ikkinchi dunya urushidin keyinki soghuq munasiwetler urushi dewride gherb dunyasida yangrighan tunji uyghurche radiyo anglitishi bolup qalidu.
1950-yillarning axirilirigha kelgende gherbiy germaniyede tenha yashawatqan yash ghulamidin paxtaning shexsiy turmushida muhebbetlik aile hayatining muqeddimisi echilidu. 1949-yilidiki hijret sepiride keshmirning sirinagar shehiridiki safayi kadal sarigha yeqin bir bulaq boyida tasadipiy uchriship qalghan on nechche yashliq sherqiy turkistanliq guzel qiz gulnar, aridin on yillar otkende ghulamidin paxtaning omurluk hemrahi bolup qalidu. ularning toy murasimi istanbulda otkuzulidu. toydin keyin ayalini elip germaniyege qaytqan ghulamidin paxta uzun otmeyla herbiy mejburiyet otesh uchun turkiyening erzurum wilayitige atlinidu…
qutlan teyyarlidi
2024.01.05
2024-yili 26-iyun
