qazaqistanning almuta shehiride otkuzulgen «5-iyul urumchi qirghinchiliqi» ning 15 yilliqigha beghishlanghan xatirilesh murasimidin korunush. 2024-yili 6-iyul, almuta.
5-iyul urumchi qirghinchiliqining 15 yilliq xatire kunide, dunyaning her qaysi jayliridiki uyghurlargha oxshash ottura asiyadiki qazaqistan we qirghizistanda yashawatqan uyghurlarmu xatirilesh we shehitlerni yad etish paaliyetliri otkuzgen.
melum bolushiche, qirghizistan uyghurliri «5-iyul urumchi qirghinchiliqi» ning 15 yilliqini xatirilesh munasiwiti bilen paytext bishkek we jalalabad sheherliride yighilip, shehitlerning rohigha atap xetme quran paaliyiti otkuzgen. 5-iyul kuni, bishkek shehiridiki uyghur jamaiti alamedin 1- mehellisige jem bolup «5-iyul urumchi qirghinchiliqi» ning 15 yilliqini xatiriligen we shehitlerning rohigha atap xetme quran qilghan.
dunya uyghur qurultiyining qirghizistandiki wekilliri teripidin uyushturulghan bu paaliyetke, bishkek shehiri we etraptiki yezilardin kelgen 40 tin artuq uyghur jamaet wekilliri qatnashqan. paaliyette urumchi qirghinchiliqini eslesh bilen birge, qirghizistan uyghurliri duch keliwatqan ana til qatarliq mesililermu muzakire qilinghan.
jalalabad shehiridiki urumchi qirghinchiliqining 15 yilliqini xatirilesh paaliyiti «ittipaq jemiyiti» ning teshkillishi bilen xetme quran sheklide otkuzulgen. xatirilesh murasimgha jalalabad jamaiti we qirghizistan xelqler birleshmisining jalalabad shobisidiki her qaysi milletler wekilliri qatnashqan.
igilinishiche, 6-iyul kuni almuta shehirige orunlashqan «aq bulaq» restoranigha jem bolghan uyghurlar 2009-yilidiki «5-iyul urumchi qirghinchiliqi» ning 15 yilliqigha beghishlanghan xatirilesh paaliyiti otkuzgen. dunya uyghur qurultiyining qazaqistandiki wekilliri uyushturghan bu murasimgha almuta shehiri we nahiyelerdin kelgen wekiller qatnashqan.
murasimigha riyasetchilik qilghan dunya uyghur qurultiyining ezasi rehimjan mensurof, mezkur murasimning uyghur xelqining tarixidiki eng qanliq weqelerning biri 2009-yil 5-iyul urumchi qirghinchiliqini xatirileshke beghishlanghanliqini, bezi sewebler tupeylidin bu murasimni keng dairide otkuzush mumkin bolmighanliqini, shundaqtimu waqtini chiqirip kelgenlerge minnetdarliqini bildurgen.
paaliyette, urumchi weqesining kelip chiqishi we sewebliri, uning aqiwiti hem tarixiy ehmiyiti, xelqara weziyet, xitayning sherqiy turkistanda yurguzuwatqan basturush siyasiti we cheteldiki buninggha qarshi heriketlerning ehwali heqqide toxtap otulgen. paaliyette sozge chiqqanlar qazaqistanda uyghurlarning milliy kimlikini saqlap qelishning zorurlukini we teshkilatlar ara ittipaqliqning muhimliqini alahide tekitligen.
2024-yili 9-iyul
