muhemmed yusup

qorqush we endishe qilish tebiiydur. emma qorqush bilen endishining hokumranliqi astida qelish tebiiy emes. chunki, qorqunch, endishe we dawamliq ghemkin yurush hayatingizning bir qismini meshghul qilipla qalmastin, kongul aramingizni buzidu, tepekkuringizni chechiwetidu. ishenmisingiz, tor dunyasidin izdensingiz qorqunchning we ghemkinlikning eqil, roh we ten saqliqigha qanchilik zor xeterlik ikenlikini, yurekni ajizlashturup, bedenning emmunitet kuchini towenlitidighanliqini bilip qalisiz. shunga xatirjemlik eng katta nemetlerning biri bolup, allah taala oz waqtidiki qureysh kapirlirigha bu nemetni esletken. « qureyshlerge ongaylashturulghanliqi — ularning qishliq we yazliq sepiri ongaylashturulghanliqi (gha minnetdarliq bildurush) uchun, ular ozlirini achliqtin toyghuzghan, qorqunchtin xatirjem qilghan bu oy (kebe)ning rebbige ibadet qilsun!»[1].

endishe qilishni telep qilidighan sewebler bilen endishe qilishni telep qilmaydighan ehtimallarning perqini ayriwelish kerek. mesilen: baliliringizdin birersining xeterge uchrishigha seweb bolidighan amil bilen sizning xizmitingizdin ayrilish ehtimalingiz otturisida asman- zemin perq bar. siz buning perqini biliwalghandin keyin, emeliyette endishe qilishqa we ensireshke tegishlik ishlarning intayin azliqini we endishe qilmisimu bolidighan ishlarning nahayiti koplukini bilip qalisiz.

fransiyede elip berilghan tetqiqat netijisige kore,psixika mutexessisliri 24000 kishidin «hayatingizda uchrighan eng chong musibet qaysi?» dep sorighanda, birinchi orunda «xizmitimdin ayrilip qelish» degen jawab, andin «joramdin ajriship ketish», andin «yeqin kishimning wapati» degen jawab kelgen.

buninggha oxshighan ehwallar hayatimizda bir yaki ikki qetim bolushi mumkin bolsimu, bular waqitliq musibet yaki otkunchi kongulsizliklerdur. emma bu ishlar ustide kop oylinish, dawamliq ghem-endishe qilish hayatimizni nabut qilishqa yeterliktur. shunimu untumasliq kerekki, biz yuz beridu dep qorqqan we endishe qilghan ishlarning 90% yuz bermeydu, yuz bergen teqdirdimu biz oylighandin yenik bolidu.

qorqush we endishining insan hayatining bir parchisi ikenlikini hechkim inkar qilmaydu. lekin insanlarning musibetlerge we qiyinchiliqlargha taqabil turush kuchi perqliq bolghanliqtin, bezi kishiler bolmighan we bolush ehtimali towen bolghan ishlar uchunmu ozini upritidu, kop oylinish, ziyade ghem qilish arqiliq ozining ten salametlikige ziyan yetkuzidu. mutexessislerning yekunlishiche, bizning qorqunchlirimizning 90% i ehtimal derijisidiki qorqunchlar bolup, yuz berish nisbiti intayin az yaki hech yuz bermeydiken.

korona zamanida korduqki, korona wirusidin qattiq qorqup ketken kishilerning tolisi qorqunch seweblik kesel bolghan bolsimu, korona wirusi bilen yuqumlinish nisbiti yoqning ornida bolghan. shunga yuz berish ehtimali bolghan xapiliqlardin qorqup tola oylinishning ornigha uning tedbirini elish bilen bille ishlarning aqiwitini allahqa tapshurush aqilanilqtur.

ibret:

—    bizning qorqunchlirimiz kichik ishlar uchunmu yoghan sayilarni tashlaydu.

—    qorqunchni 100% tosidighan retsip yoq, emma ijabiyliq we tejribiler qorqunchlirimizning 90%ni towenlitidu.

—    sizning qorqidighiningiz kelechekte yuz berish ehtimali bolghan ishlardur. ehwal shundaq tursa, siz neme uchun texi bolmighan, belki hech bolmaydighan ishlarni oylap buguningizni matemge aylandurisiz?

[1] qureysh surisi.

2024-yili 22-awghust

muhemmed yusup islam bilimliri tori