abdurehim gheni uyghur
xitay tajawuzchi hukumitining sherqiy turkistanda elip beriwatqan irqiy qirghinchiliqi sewebidin, dadam gheni xudaberdi bilen 2017-yildin buyan hichbir alaqem bolmighan idi. emma, buyil 7-ayning 6- kuni xitay hukumiti saqchiliri akamgha tehdit selish arqiliq manga telfun qilghuzup, meni 7-ayning 8-kunidin 12-kunigiche gollandiyening gaaga (denhaq) shehridiki dunya puqralar sot mehkimiside fashist shi jinpingning jinayitini sotlashta guwahliq bermeslikim heqqide besim qilghanda, men telfunni almighan idim. bu hiylisi kargha kelmigendin keyin, xitay hokumiti dadamni jaza lagiridin elip chiqip, dadamni akam bilen birge manga nesihet qilghuzup, nesihet wediyosi ishlep manga ewetti.
shu chaghda, men dadamning eghir kisel azabida yetiwatqan wediyosini korsemmu ozumni qattiq tutiwelip, xitay hukumitining eziqturush - besimlirigha qetiy tiz pukmidim. hetta, xitayning zehirini ozige sanjip, bu echinishliq wediyoni dunya puqralar sotida yene bir ispat qilip korsettim. netijide, neq meydandiki sotchi, teptishler, hetta xitayning hukumitining dumbaqchi adwukatimu polattek ispat aldida latidek boshiship, uzining manga hisdashliq qildighanliqini bildurdi. axirida, mini uzining qapqan - tuziqigha chushurelmigen, dadam, akam arqiliq meni rohi jehettin weyran qilish meqsitige yitelmigen xitay hukumiti dadamni qaytidin jaza lagirigha solidi.
mana emdi dadamning xitay tajawuzchilirining jaza lagirida wapat tapqanliq xewirini anglap konglum qattiq yerim boldi. emma, dadamning wapat bolghanliq xewiri meni rohiy jehettin tugeshturushke emes, belki xitay tajawuzchi hukumitige qarshi ghezep-nepirtimni teximu ashurup ghezep -nepiritimni xitay tajawuzchi hukumitige qarshi meniwi inirgiyege aylandurup tajawuzchi xitay hukumitige qarshi inqilab - kurishimni dawamlashturush gheyritimni ashurdi. muhimi, parlaq tanggha bolghan umidimni teximu oyghitip, ghelibe menzilige mangghan qedimini teximu mezmut - tewrenmes rohqa ige qildi.
qedirlik dada, mehriban apa, men silerge shundaq wede berimenki, putun qayghu - hesritimni kuch - quwwetke aylandurup, ghezep - nepritimni xitay tajawuzchi hukumitige zeher - neshter qilip sanjip, hayatimning axirqi tiniqighiche tajawuzchi xitay hukumitining yurikige urimen. xitay fashist hokumitini yer sharidin yoq qilmighuche zadi boldi qilmaymen.
ghemguzarim dada, perishte supet apa, silerning aldinglarda baliliq burchumni toluq ada qilalmidim. aghrip qalghininglarda yeninglarda turup halinglardin xewer alalmidim. xitay tajawuzchi dolitining insan qelpidin chiqqan qirghinchilqi silerni mendin, siler pexirlindighan oghlunglarning didarini korushtin, oghlunglarning horluk, heqiqet, adalet yolidiki kuresh - utuqliridin ghururlinishinglardin, newriliringlarni erkiltip suyup baghringlargha besishtin, jumlidin ejdad - ewlad arisidiki barliq meniwiy rishte - baghlardin ayriwetti. bu toghruluq sozlep tugitelmeymen. chunki, mustemlike hayatning, gheribane wetensizlikning bizge qaldurghan yarilirini til bilen teswirlep bergili, tugitip bolghili bolmaydu.
soyumluk dada, bugun sining ghayibane jinaze namizingni oyumning yenidiki chong turk meschitide jume namizidin keyinla jamaet bolup oquymiz. tunugun sham namizidimu men shu yerde idim. sining jaza lagirida wapat bolghanliqingni jamaetke yighlap turup sozlep berginimde, ular mendin «sen dadangning yenigha berip raziliq alalmidingmu? yenigha baralmighan bolsang, hechbolmisa telifonda bolsimu raziliq almidingmu»dep soridi. men ularning sherqi turkistandiki zulum - qetliamni helihem taza yaxshi bilip ketmeydighanliqini dengsep, jallat xitaylarning uyghurlarning jesitini biwasite uruq-tuqqanlarghimu bermey komiwetidighanliqini, jinaze namizini oqush tugul, shu sozni qilishningmu jinayet hesablinidighanliqini eytip berdim. jamaet heyran - hes qaldi. ular manga teselliy qilip, ete jume namizidin kiyin dadangning ghayibane jinaze namzini chushureyli, deyishti.
qedirdanim, kuyumchanim eziz dada, sen bu dunyadiki chidighusiz zulumlarni - tajawuzchi xitay dolitining mustemlikisde ishengusiz xorluqlarni bashtin kechurup u dunyagha ketting. zulmet - qabehet, zulum - jinayet bilen tolghan bu dunyadin yaratquchining dergahigha, yeni paraghetlik - ebediy mengguluk hayatqa qedem alding. yatqan yering jennette bolsun.
jenim dada, men sining aldingda baliliq burchumni toluq ada qilalmidim, buninggha wijdanim helihem azabta. nechche yil burun telfunda kurushkende, men bu geplerni sanga yighlap turup eytqan we sendin raziliq telep qilghan idim. sen shu chaghda, «konglungni chushnimen oghlum. men sendin menggu razi, senmu mendin razi bolghin» digen iding, meni xatirjem qilghan, manga righbet ata qilghan iding.
pasibanim dada, sen xatirjem bol. sen pexirlengen oghlung hergizmu wetinige xain, millitige asiy bolmaydu. sanga, anamgha we weten - xelqige yuz kilelmeydighan ishlarni, sining rohingni azablaydighan iplasliqlarni teximu qilmaydu. chunki, men sening oghlung
axirida, men shundaq deymen, alla bizni jennette, hewz kewserning boyida bir - birimiz bilen qanghuche kurushushke nisip qilsun, amin.
(bu yazma aptorning feysbuk hesabidin eynen kochurup elindi.)
2024-yili 21-sintebir
