10-ayning 26-kuni, bosniye-gertsegowinaning paytexti sarayewoda chaqirilghan dunya uyghur qurultiyining 8-nowetlik omumiy qurultiyining 3-kuni otkuzulgen saylamida turghunjan alawudun yengi reis bolup saylanghan.

 

shenbe kuni, 8-nowetlik omumiy wekiller yighinida demokratik usulda belet tashlash we ashkara nazaret qilish arqiliq qurultayning yengi rehberliri saylap chiqildi. bu qetimqi saylamda turghunjan alawudun qurultay reislikige, erkin exmetow, zumretay erkin we abdureshit abdulhamitlar muawin reislikke saylandi. 

 

roshen abbas xanim d u q ijraiye komitetining reisi bolup saylandi. ijraiye komitetining muawin reislikige abdulhemid qaraxan, erkin zunun, mutellip qurban we polat sayimlar saylandi. saylamda yene, alaqidar komitetlarning reis we mesulliri saylap chiqilghan. 

 

 bu qetimqi yighilish «d u q ning 8-nowetlik wekiller qurultiyi», shuningdek «bosniye qirghinchiliqidin uyghur qirghinchiliqigha nezer» temisidiki xelqaraliq muhakime yighinining birleshmisi bolup, 20 nechche dolettin kelgen wekiller bilen birge chetellik tetqiqatchilar, paaliyetchiler we parlament ezaliri ishtirak qilghan. 

 

dunya uyghur qurultiyining sabiq reisi dolqun eysa bu heqte bu saylamning nahayiti demokratik we chetellik kozetkuchilerning nazariti astida tamamlanghan adil bir saylam bolghanliqini bildurdi.

 

igilishimizche, 8-nowetlik qurultayning saylimi xitayning besimi, parakendichilikliri we terrorluq tehditlirige qarimay, bugunmu oxshashla turkiye, amerika, engliye qatarliq doletlerning bezi diplomatliri we axbaratchilirining qatnishishida, shuningdek sarayewo saqchi idarisi we bosniye alahide heriket qismining muhapizitide daghdughiliq dawam qilghan. 

 

dunya uyghur qurultiyi yighin jeryanidiki muhakimiler we saylam jeryanlirini yutyub qanili arqiliq nex meydandin tarqitip keldi. 

 

 

2024-yili 26-oktebir

 

dunya uyghur qurultiyi yutyub qanili: