turkiyede yashawatqan aktip paaliyetchi muhemmet tursun uyghur ependi yash-osmurler uchun teyyarlighan «100 meshhur uyghur» namliq kitab neshrdin chiqti.

mezkur kitab dunyaning herqaysi jaylirida yashawatqan, oz millitining tarixini, tarixiy shexslirini bilishke intiliwatqan uyghur yash-osmurliri uchun teyyarlanghan bolup, ewlad neshriyati teripidin neshr qilindi.

muhemmet tursun uyghur ependi bu kitabini 2017-yili neshr qilinghan, zor hejimdiki ikki tomluq «100 meshhur uyghur» namliq kitab asasida ixchamlashturup teyyarlighan bolup, uyghurlarning herqaysi tarixiy dewrlirige zor tesir korsetken, miladidin burunqi 7-esirdin bu esirgiche yashap otken meshhur uyghurlarning hayati qisqiche tonushturulghan.

kitabning tehrir sozide munu mezmunlar qeyt qilindi: «musteqilliqimizni eslige kelturush kurishimizde aldi bilen xelqimizde milliy ang, milliy rohni yetildurushimiz lazim. uyghurlarning tarixida qurulghan, dunyagha tesir korsetken shanliq imperiye we doletlirining bolghanliqini, uyghur  xelqiningmu bashqa dolet we milletlerdek dunyawi alim we meshhur shexslirining bolghanliqini bildurushimiz kerek. yazghuchi muhemmet tursun uyghurning bu kitabi ashularni meqset qilghan. shunga herbir wetendashning kitab ishkapida 100 meshhur uyghur kitabining bolushini, perzentlirige oz tarixini ogitishte bu kitabni oqushluq qilishini umid qilimiz».

kitabning aptori muhemmet tursun ependining bildurushiche, kitab ozgiche alahidilik bilen yezilip hazirlanghan bolup, jemiy 238 bet. muqawisi qattiq tashliq hem qapartma neqishlik. barliq betliri 1 - derijilik resim qeghizi bolup, resimlik hem renglik. kitabning munderijisidin bashqa barliq shexslerning terjimihali, tehrir sozi we kirish sozdin tartip uzun - qisqiliqi oxshash halda bir waraq, ikki bettin qilip yezildi.

bu kitab nowette istanbuldiki herqaysi kitabxanilarda setilmaqta. 

2024-yili 7-noyabir