7-noyabir istanbulgha jaylashqan sabahattin zaim uniwersitetida ikkinchi qetimliq xelqara uyghur tebabiti ilmiy muhakime yighini otkuzuldi.
yighingha uyghur tebabiti, dorigerliki sahesidiki shexslerni oz ichige alghan 200 din artuq kishi qatnashti. yighin quran kerim tilawiti bilen bashlanghandin keyin, uyghur tebabiti tetqiqat weqfi reisi pirofessor mutellip eli haji emchi echilish sozi qilip, sherqiy turkistanda uyghur tebabiti xitayning weyran qilishigha uchrawatqan bir sharaitta bu yighinning echilghanliqini, yighinning meqsetlirini qisqiche sozlep otti. arqidin sherqiy turkistan olimalar birliki reisi doktor alimjan bughda, sabahattin zaim uniwersiteti bolum mudiri qatarliq zatlar soz qildi.
bu qetimliq yighingha amerika, engliye, kanada, hindistan, pakistan, qazaqistan, qirghizistan, ozbekistan, bengal qatarliq on nechche dolettin yighingha qatnishalmighan mutexessisler tebrikname yollap, xelqara uyghur tebabiti ilmiy muhakime yighinining echilghanliqidin nahayiti xushal bolghanliqini, uyghur tebabitining teximu tereqqiy qilishini umid qilidighanliqini bildurushti.
yighingha ishtirak qilghan turk mehmanlarmu soz qilip, turkiyening eneniwi tebabetke, xususen uyghur tebabitige ehtiyajliq ikenlikini, bu yighinning ular uchun intayin muhim ehmiyetke ikenlikini bildurdi. yighinda ustazlar teyyarlighan on nechche maqale muhakime qilindi we bir turkum mutexessisler we mehmanlargha teqdirname tarqitildi.
tunji qetimliq xelqara uyghur tebabiti ilmiy muhakime yighini 2019-yili 29-dekabir istanbulda otkuzulgenidi. nowette xitay uyghur tebabitini yoqitishqa urunuwatqan, uzun tarixqa ige retseplarni oghrilap, menpeetke erishiwatqan bir mezgilde, muhajirettiki uyghur tebabiti mutexessisliri bu muhim tarixiy miraslirini qoghdash, rawajlandurush uchun tirishchanliq korsetmekte.
2024-yili 9-noyabir
