xelqara jinayi ishlar sot mehkimisi 21-noyabir israiliye bash ministiri benyamin netanyaxu (Benjamin Netanyahu) we sabiq dolet mudapie ministiri yow gallant (Yoav Gallant) heqqide ghezze urushi mezgilide urush jinayiti we insaniyetke qarshi jinayet otkuzush bilen eyiblep tutush buyruqi chiqardi.
xelqara jinayi ishlar sot mehkimisining yazma bayanatida, netanyaxu, gallant we xamasning herbiy qomandanliridin muhemmed el deyfning (Muhammed Deyf ) ghezzediki urush jeryanida urush jinayiti we insaniyetke qarshi jinayetni ustige elishi uchun «muwapiq asas» barliqi otturigha qoyulghan.
israiliye 7-aydiki bir hawa hujumida xamasning herbiy qaniti izzettin elqasim birigadisining qomandani muhemmed deyfning olturulgenlikini elan qilghan idi. xelqara jinayi ishlar soti israiliye we pelestin dairiliridin erishken uchurlargha asasen muhemmed deyfning hayat yaki emesliki heqqide yeterlik delilge erishelmigenlikini tekitlidi.
igilinishiche, xelqara jinayi ishlar sot mehkimisining bash teptishi kerim xan mayda netanyaxu, gallant, deyf we xamasning sabiq rehberliri ismail xaniye we yehya sinwar heqqide tutush buyruqi chiqirish uchun iltimas qilghan. ismail xaniye we yehya sinwar shehit qilinghandin keyin, xelqara jinayi ishlar sot mehkimisi awghust we oktebirde ularning ismini hojjettin ochuruwetishni qarar qilghan.
melum bolghinidek, simail xaniye 7-ayda iranning paytexti tehranda qestke uchridi, sinwar oktebirde ghezzede israiliye eskerliri bilen bolghan toqunushta shehit bolghan.
israiliye bash ministiri ishxanisi xelqara jinayi ishlar sot mehkimisining qararini eyiblidi. xamas bolsa netanyaxu we gallantqa chiqirilghan tutush buyruqining «muhim tarixi ulge» tikligenlikini eytti.
aqsaray bayanatida amerikining xelqara jinayi ishlar sotining qararini ret qilghanliqini eytti. yawropa ittipaqining diplomatiye we xewpsizlik aliy wekili josef borrel tutush buyruqining bir «siyasiy» qarar emeslikini, her qaysi tereplerning buninggha «hormet qilishi» lazimliqini bildurdi.
xelqara jinayi ishlar sot mehkmisi (ICC) urush jinayetchiliri we irqiy qirghinchiliq qatarliq jinayetlerni sadir qilghuchilarning dilolirini bir terep qilish meqsitide 2002-yili qurulghan. sotning belgilimisige asasen, tutush buyruqi chiqirilghan shexsler eza doletlerning zeminigha kirgende ularni qolgha elip sotqa tapshurushi lazim. hazirghiche mezkur sotning 123 ezasi bar bolup, amerika, xitay we israiliye qatarliq doletler eza emes, rosiye deslepte eza bolghan bolsimu, keyinche chekinip chiqip ketken. bu sotning israilye bash ministirigha chiqarghan tutush buyruqining tesiri we ijra qilinish ehwali soal ishariti bolup turmaqta.
2024-yili 21-yanwar
