turkiyening istanbul shehiride otkuzulgen xelqara ammiwi teshkilatlar yermenkiside «islam dunyasi we sherqiy turkistan» temiliq muhakime yighini otkuzuldi.
islam dunyasi ammiwi teshkilatlar birliki (İDSB) we turkiye pidaiy teshkilatlar weqfi (TGTV) teripidin uyushturulghan 4-nowetlik xelqara ammiwi teshkilatlar yermenkisi 21-noyabir ataturk ayrodromida bashlandi.
yermenkige 60 nechche dolettin kelgen 400 din artuq teshkilat ishtirak qilghan bolup, echilish murasimida quran tilawet qilinip, ammiwi teshkilatlarning paaliyiti tonushturulghan filim korsitilgendin keyin, istanbul waliysi dawut gul we bashqa bir qisim mesullar, rehberler ayrim-ayrim soz qildi. echilish murasimidin keyin, «islam dunyasi we sherqiy turkistan» temisida muhakime yighini otkuzuldi.
xelqara sherqiy turkistan teshkilatlar birliki bash katipi abdureshid eminhaji riyasetchilik qilghan yighinda, istanbul sabahattin zayim uniwersitetining oqutquchisi, turkiyede tonulghan yazghuchi pirofessor doktor yusup qaplan we xelqara sherqiy turkistan teshkilatlar birliki reisi hidayetullah oghuzxan sherqiy turkistandiki kishilik hoquq depsendichiliki we islam dunyasining bu jehettiki mesuliyiti heqqide soz qildi.
soz qilghuchilar yermenkining ehmiyiti heqqide toxtilip, xelqaraliq sistema putunley weyran bolghan bugunki dewrde, ammiwi teshkilatlarning ilgirikige qarighanda teximu chong mesuliyiti barliqini eskertti we ammiwi teshkilatlarni sherqiy turkistandiki we ghezzediki wehshiyane qirghinchiliqqa qarshi oz rolini jari qildurushqa chaqirdi.
xelqara sherqiy turkistan teshkilatlar birliki yermenkide mexsus orun turup, ziyaretchilerge sherqiy turkistanning nowettiki weziyitini tonushturghan bolup, mehmanlar we Jurnalistlarning diqqitini qozghidi. herqaysi teshkilatlarning mesulliri, wekilliri ozlirining sherqiy turkistan xelqining yenida ikenlikini we bu heqtiki yaxshi tileklirini bildurushti.
mezkur yermenkide «ghezze istanbul xitabnamisi»gha imza qoyulidighan bolup, 23-noyabirghiche dawamlishidiken we axirqi kuni turkiye pirezidenti rejep tayyib erdoghan ishtirak qilidiken.
