xitay atalmish «shinjang medeniyet almashturush» namidiki saxta teshwiqatliri arqiliq, xelqara jemiyetning, jumlidin turkiye xelqining diqqet nuqtisi boluwatqan sherqiy turkistandiki irqiy qirghinchiliq jinayitini perdazlashqa urundi.
xitay merkizi telewiziye istansisining xewer qilishiche, xitay atalmish «shinjang medeniyet almashturush» namidiki wekiller omikini turkiyege ewetken bolup, mezkur omek 20-noyabirdin 24-noyabirghiche turkiye paytexti enqere we istanbulda turkiyening asasliq taratquliri, turk marmara fondi jemiyiti, weten partiyesi emeldarliri we bashqa shexsler bilen korushken.
igilinishiche, omekte atalmish «shinjang islam jemiyiti»ning muawin reisi majirung, atalmish «shinjang ijtimaiy penler akademiyesi»ning tetqiqatchisi aynur kama qatarliqlar bar iken. xitay teshwiqatchiliri enqere we istanbulda korushken organ we her sahe kishilirige xitay rejimining atalmish «yengi dewrdiki shinjangni bashqurush istrategiyesi»ni tonushturghan.
xewer qilinishiche, mezkur omek sherqiy turkistan heqqidiki yalghan teshwiqatliri dawamida her qaysi tereplerni sherqiy turkistanni ziyaret qilishqa teklip qilghan. mezkur saxta teshwiqat paaliyiti bir nechche kun dawamlashqan bolup, bu jeryanda korushken her sahe kishilirige sherqiy turkistandiki irqiy qirghinchiliq jinayetlirini perdazlap teshwiq qilghan.
xitay xelqarada kuntertipte turuwatqan sherqiy turkistan xelqige irqiy qirghinchiliq yurguzush jinayitige qarshi sadalarni ochurush we oz jinayetlirini yoshurush uchun, bu xil saxta teshwiqatlirini uzluksiz kucheytmekte we dairisini kengeytmekte. shundaqla sherqiy turkistanda basturush, her xil bahaniler bilen tutqun qilish qatarliq irqiy qirghinchiliq siyasitini dawamliq ijra qilmaqta.
halbuki, xitay ishghaliyet tarixidin bashlap sherqiy turkistan xelqini herxil bahaniler bilen basturup kelgen bolup, yeqinqi yillardin buyan atalmish «jungxua milliti ortaq gewdisi engini mustehkemlesh», «shinjangni medeniyet bilen ozuqlandurush», «dolet ortaq tilini omumlashturush», «terrorluqqa, milliy bolgunchilikke zerbe berish», «islam dinini xitaychilashturush», «quran kerimni sotsiyalizmgha uyghunlashturup sherhlesh» degen namlar astida sherqiy turkistan xelqining etiqadini, medeniyitini, til-yeziqini, enenilirini uzul-kesil cheklidi we herxil tohmetler bilen milyonlighan uyghur we bashqa turkiy xelqlerni jaza lageri we turmilerge qamap, irqiy qirghinchiliq yurguzup keldi. buning bilen birge turluk wasitiler bilen, islam dunyasi shundaqla uyghurlarning dini we milliy qerindashliri bolghan turk xelqi aldida jinayetlirini perdazlashqa urunmaqta.
