tor bixeterliki xewer tori «xakkerlar xewer tori» (The Hacker News) ning 12-ayning 5-kunidiki xewirige asaslanghanda, xitay xakkerliri uyghur we tibetlerni yene zerbe berish nishani qilghan. yeni xitay undidardin paydilinip uyghurlargha qarita jasusluq detali qollanghan.

xewerde deyilishiche, xitay dolitining qollishi bilen xitay xakkerlar «darknimbas» (DarkNimbus) degen namdiki detalni, yeni burun uyghurlargha qarshi qollanghan yaman niyetlik yumshaq detal «munshayin» (Moonshine) ning tereqqiy qilghan nusxisini ishlitish arqiliq uyghur we tibetlerge hujum qilghan. xewerde mundaq deyilgen:

«yengidin bayqalghan tor tehditi meshghulati dangliq undidar detalidiki bixeterlik yochuqlirini nishanlap, xitay bolmighan tibet we uyghurlar topigha tewe andiroyid (Android) we windos (Windows) uskunilirige ilgiri bilinmigen jasusluq yumshaq detallirini yollighan».

amerikadiki tor bixeterlik shirkiti bolghan Lookout yeqinda chet ellerdiki uyghurlarning telefonlirining her xil yaman gherezlik yumshaq detallar arqiliq yuqumlandurulup, jasusluq qoraligha aylanduruwatqanliqini agahlandurghanidi. mezkur shirket elan qilghan doklatida korsitishiche, ijtimaiy alaqe supilirida hembehirliniwatqan yaki uchinchi terepning ep dukanliridin chushurulgen uyghur tilidiki andiroyid eplirining alahazel uchtin bir qismi jasusluq yumshaq detali bilen yuqumlanghan bolup, bu yaman niyetlik yumshaq detallar qollanghuchining telefonidiki xususiy resimler, uchurlar, telefon alaqiliri qatarliq uchurlarni korush we uni qarshi terepke yetkuzush iqtidarigha ige iken.