suriye muxalip kuchlirining 55 yilliq diktatur esed aile rijimini aghdurup tashlishi hayatida esed ailisidin bashqa reis kormigen bir ewlat suriye xelqi uchun shirin chushke oxshash xushalliq tuyghulirini beghishlighanliqi ashkara. suriye xelqining ahi allahqa yetken bolsa kerek.

 

zalim beshshar esed rijimining dramatik halda yiqilishi rayondiki tengpungluqlarni astin-ustin qiliwetishi muqerrer. esed rijimining yimirilishidin eng qattiq ziyan tartqan terep iran bolsa, eng kop payda alidighan terep turkiye ikenlikide shek yoq. irandin qalsa, eng eghir ziyanni rusiye tartqan bolidu.

 

chunki, iran, rosiye beshshar esed rijimini qoghdap qelish uchun az bedel tolimidi, shu bedellerning hemmisi kupukke aylandi. payda alghan terepler turkiyedin qalsa amerika we gherp doletliri diyishke bolidu.

 

muhim bolghan mesile suriye xelqi bu netijini qandaq saqlap qelish bilen birge heqiqiy erkinlik, adalet, amanliq berpa qilinghan bir suriyeni qandaq tutup turush, gullendurushte. emma suriyede adalet, erkinlik wa amanliqning berpa bolishini xalimaydighan tereplermu az emes, eng bashta israiliye suriyening beshsharni yiqitqan kuchlerning qolida gullinishini xalimaydu, yene bir tereptin p k k, y p g, p y d degendek kurd terorichi goruhlar hech xalimaydu. iran, rosiyemu shundaq.

 

elwette mezkur terepler suriyeni qalaymiqan qilish, turkiyening qolgha kelturgen netijilirige topa chechishqa urunidu.

 

suriye inqilawining ghelbe qilishigha biwaste hesse qoshqan, aldinqi septe urush qilghan uyghurlarmu elwette bu ghelbining miwisidin behrimen bolushqa tamamen heqliq. eyni waqitta uyghurlar uchun asasi nishan bolush wajip bolghan wetinimizning erkinliki hechqachan hesapning sirtida qalmasliqi kerek, undaq bolmighan teqdirde uyghurlarmu eghir ziyan tartqanlar qataridin orun elip qalidu.

 

erkin suriyeni qayta qurushta milyunlighan suriyelikke on nechche yil sahipxanliq qilghan turkiyening roli intayin chong bolup, turkiye suriye urushidin zeper bilen chiqqan birdinbir dolet desek bolidu. turkiye bundin keyin ottura sherqte tesiri eng kuchluk doletke aylinidu. suriyeni heqiqiy erkin, adaletlik bir doletke aylandurush uchun uzun zaman we san-sanaqsiz bedellerge ihtiyajliq bolsa kerek.

 

mustebit beshshar hakimiyitining bundaq tiz weyran bolishi bashta xitaydin ibaret mustebit, zalim rijimlarning textini lingshitishimu muqerrer.