mol emgekliri bilen xelqqe tonulghan ijtihatliq diniy olima, sherqiy turkistan olimalar birliki tetqiqat bolumining mudiri muhemmed yusup qarihajimning ilmiy emgeklirini teqdirlesh we eserlirini tonushturush paaliyiti otkuzuldi.
22-dekabir istanbulda sherqiy turkistan olimalar birlikining orunlashturushi bilen, «din we hayat (2000 soalgha jawab), «perzentlirimizni qandaq terbiyeleymiz?», «islamdiki aile tuzumi», «bext-saadetning 40 retsipi» qatarliq 30 parchidin artuq eserliri, yuzligen maqale we leksiyeliri bilen uyghur xelqining qelb toridin orun alghan diniy alim, shair, yazghuchi we istedatliq terjiman muhemmed yusup qarihajimni teqdirlesh we yeqinda neshridin chiqqan «tepsir jewherliri» qatarliq eserlirini tonushturush paaliyiti otkuzuldi.
paaliyetke kop sandiki olimalar, ziyaliylar we istanbulda yashawatqan uyghurlar ishtirak qildi. paaliyet quran kerim tilawiti bilen bashlandi. aldi bilen sherqiy turkistan olimalar birliki reisi dotsent, doktor alimjan bughda echilish sozi qildi. arqidin sherqiy turkistan olimalar birliki bash katipi abdulehed ujatli muhemmed yusup qarihajimning hayati, xizmetliri, ilmiy emgekliri we eserlirini tonushturup otti.arqidin sherqiy turkistan olimalar birlikining sabiq reisi dotsent, doktor atawullah shahyar, sherqiy turkistan olimalar birliki ezaliridin ustaz abdulehed hapiz we selchuq uniwersiteti tarix penliri doktoranti abdurehim dolet qatarliq ustazlar «tepsir jewherliri»ning royapqa chiqish jeryani we muhemmed yusup qarihajimning ilmiy xizmetliri heqqide tepsiliy toxtaldi we yurek sozlirini bayan qildi.
paaliyet sherqiy turkistan olimalar birliki we bir qisim ilimsoyer zatlarning muhemmed yusup qarihajimgha kongul sowghilirini teqdim qilishi bilen axirlashti.
2024-yili 23-dekabir
