22-dekabir yekshenbe kuni merhum dini alim abdulhekimxan mexsumning wapatining sekkiz yilliqi munasiwiti bilen uning ish-izlirini xatirilesh murasimi otkuzuldi. merhum ustaz abdulhekim mexsumhajim 2016-yili 22-dekabir istanbulda alemdin otken bolup, merhumning wapati sherqiy turkistan dewasi uchun chong yoqitish bolghanidi.
paaliyetni istanbulda paaliyet elip beriwatqan «sherqiy turkistan yengi nesil herikiti» teshkilligen bolup, quran kerim tilawitidin keyin,sherqiy turkistan yengi nesil herikitining reisi abdullah moydinoghli echilish sozi qildi.
arqidin sherqiy turkistan olimalar birliki reisi dotsent, doktor alimjan bughda soz qilip, merhumning hayati, pikir-chushenchiliri, uning sherqiy turkistan musteqilliq kurishidiki tewrenmes meydani, heriketchanliq alahidiliki qatarliq ulgilik ish-izlirini tonushturdi.
doktor alimjan bughda: «men merhum abdulhekimxan mexsum hajim bilen 1984-yilidin 1988-yilghiche qaghiliqta bille oqudum, abdulhekimxan mexsum hajim ismi oxshash bolghan qaghiliqtiki buyuk dini alim abdulhekimxan mexsumda ilim tehsil qilip 1988-yili oqush putturdi» dedi. uning eytishiche, keyin abdulhekimxan mexsum haji mexpiy halda dini medrise echip uyghur yashlirini dini sahede yetishturush uchun telim-terbiye bilen shughullanghanliqini we kop sanda yashlarni yetishturup chiqqanliqini, shu sewebtin turmige qamalghanliqini bildurdi.
doktor alimjan bughdaning bildurushiche, merhum dini alim abdulhekimxan mexsum turmidin qoyup berilgendin keyin chet elge chiqip, ottura asiya, pakistan, seudi erebistan qatarliq doletlerni aylinip misirgha berip bilim ashurghan, 2003-yili misirdin istanbulgha kelip bu yerdiki bir qisim sawaqdash we dostliri bilen birlikte 2006-yili sherqiy turkistan maarip we hemkarliq jemiyitini qurup chiqqan.
abdulhekimxan mexsum 1961-yili qaghiliqta tughulghan bolup, 2016-yili 12-ayning 22-kuni istanbulda 55 yeshida tuyuqsiz wapat bolghan idi.
doktor alimjan bughdaning bildurushiche, abdulhekimxan mexsum, deslepte 2006-yili sherqiy turkistan maarip we hemkarliq jemiyitini qurup chiqqan, keyin sherqiy turkistan dewasi uchun her sahede xizmet qilish kereklikini kozde tutup, 2011-yili sutuq bughraxan ilim we medeniyet wexpisi, 2016-yili sherqiy turkistan olimalar birliki we sherqiy turkistan teshkilatliri birliki qatarliq jemiyet we teshkilatlarni qurup chiqqan.
2024-yili 24-dekabir
