ezerbeyjan awiatsiye shirkitining bir yoluchilar ayropilani 25-dekabir charshenbe kuni qazaqistanning aqtaw shehirige yeqin jayda qonmaqchi bolghanda chushup ketip, ayropilan xadimi we yoluchilar bolup 38 kishi hayatidin ayrildi. arqidin bu ayropilanning rosiye hawa mudapiye sistemisi teripidin etip chushurulgeniki otturigha qoyuldi. ezerbeyjan awiatsiye shirkiti deslepki tekshurush netijisige asasen «tashqi fizikiliq we texnikiliq arilishish» ning ayropilanning chushup ketishidiki bir amil ikenlikini otturigha qoydi.
royters agentliqining ezerbeyjan hokumet menbelirige asaslinip xewer qilishiche, ezerbeyjanning paytexti bakudin rosiyege qarashliq chechiniyening paytexti groznigha qarap uchqan yoluchilar ayropilani rosiye hawa mudapiye sistemisining zerbisige uchrighan. uchquchilar jiddiy qonushni telep qilghan bolsimu, lekin ayropilanning rosiyediki birer ayrodromgha qonushigha ruxset qilinmighan. ekische kaspiy dengizi ustidin qazaqistangha qarap uchushi telep qilinghan. uchquchilarning tirishchanliqi bilen ayropilan qazaqistanning gherbidiki aqtaw shehiri etrapigha kelgen we shu yerde chushup ketken.
igilinishche, ayropilan hadisisi rosiyening yeqinqi aylarda ukrainaning uchquchisiz ayropilanigha qarshi ishlitip kelgen hawa mudapie sistemisigha munasiwetlik weqe netijiside yuz bergen.
menbelerge qaraghanda, grozniy hawa boshluqida heriket qiliwatqan bir uchquchisiz ayropilan 8432 nomurluq yoluchilar ayropilanigha ot achqan, top oqi ayropilanning yenida partilap, yoluchilar we ayropilan xadimliri zerbige uchrighan.
igilinishiche, ayropilanda 62 neper yoluchi, 5 ayropilan xadimi bolup, jemiy 67 kishi bar iken. hadiside 38 adem qaza qilghan. ayropilan ikkige ayrilip ketken bolup, hayat qalghuchilar ayropilanning keyni yerimida olturghanlar iken.
ezerbeyjan awiatsiye shirkiti bayanatida, deslepki tekshurush netijisige qarighanda, ayropilandiki 62 yoluchining 37 nepirining ezerbeyjan puqrasi , 16 nepirining rosiye puqrasi , altisining qazaqistan puqrasi we uchining qirghizistan puqrasi ikenlikini bayan qilghan.
eyni waqtta, ayropilandiki yoluchilarning we aqtaw ayrodromidiki kiishler tartiwalghan sinlar ammiwi taratqulada tarqalghan idi. uchquchilar bir nechche qetim ayropilanni kontrol qilishqa tirishqan bolsimu axirida qonush muweppeqiyetlik bolmighan. ayropilan ichinimu wehime qaplighan bolup, bir kishining shahedet eytiwatqan sini tarqaldi we kyinche bu kishining hayat qalghanlar arisida ikenliki ashkarilandi.
putin «kechurum soridi»
igilinishiche, 28-dekabir shenbe kuni, rosiye prezidenti putin ezerbeyjan prezidenti ilham aliyefqa telifun qilip, ayropilan chushup ketish weqesi heqqide «kechurum sorighan».
xewerlerde eytilishiche, putin weqening «rosiye hawa tewelikide yuz bergenliki seweblik kechurum sorighan we qaza qilghuchilarning ailisidin hal sorighan».
2024-yili 27-dekabir
