xitay dairiliri xoten wilayitide yengidin ikki nahiye tesis qilghan bolup, her ikkilisige xitayche nam berilgen. bu nahiyelerdin biri hindistan chegrisigha yeqin bolghan aqsay chin rayonigha jaylashqan bolup, hindistan taratqulirining diqqitini tartti.
atalmish «uyghur aptonom rayonluq hokumet»ning organ torida 27-elan qilinghan uqturushtin melum bolushiche, xoten wilayitide ikki nahiye yengidin tesis qilinghan bolup, xitay kompartiyesi merkizi komiteti we dolet ishliri mehkimisi teripidin testiqlanghanliqi bildurulgen.
xitay taratqulirining 27-dekabir qilinishiche, «xeen nahiyesi» (和安县) we «xekang nahiyesi» (和康县) dep xitayche nam berilip, yengidin tesis qilinghan ikki nahiye xoten wilayitining bashqurushida bolidiken. alaqidar uqturushta xeen nahiyelik hokumetning xoten nahiyesidiki yulghun bazirigha, xekang nahiyelik hokumetning bolsa guma nahiyesidiki sheydullah bazirigha jaylishidighanliqi uqturulghan.
xoten wilayiti tarim oymanliqining jenubigha, koinlon teghi eteklirige jaylashqan. nowette, xoten wilayitige qarashliq yette nahiye we bir sheher bar bolup, ular gherbtin sherqqe tertip boyiche guma nahiyesi, qaraqash nahiyesi, xoten nahiyesi, xoten shehiri, lop nahiyesi, chira nahiyesi, keriye nahiyesi we niye nahiyesi idi.
xitay sherqiy turkistanni ishghal qilghandin tartip, herqaysi nahiye-wilayetlerde memuriy rayonlarning namini we tewelikini qalaymiqan ozgertish, xitaychilashturush, kopeytish yaki qisqartish qatarliq qilmishlirini izchil dawamlashturup kelmekte. xitayning bu heriketliri emeliyette sherqiy turkistandiki ishghaliyitini perdazlash, nopus qurulmisini ozgertish, kontrolluq we nazaretni kucheytish qatarliq meqsetliri uchun xizmet qilmaqta.
xotende yengidin ikki nahiye tesis qilinishi xelqara taratqularningmu diqqitini tartqan, bolupmu bu nahiyelerning xitay we hindistan arisidiki talash-tartishliq chegra rayonigha yeqin bolushi taratqularning neziridin qachmighan. «dekkan xewerliri» torining 28-dekabirdiki xewiride, «xitay teripidin ishghal qilinghan hindistan zemini aqsay chinde yengi nahiye tesis qilindi» deyilgen.
2024-yili 31-dekabir
