taylandta tutup turuluatqan 48 neper uyghurning xitaygha qayturulush aldida turghanliqi heqqidiki xewerler endishe peyda qiliwatqan hemde xelqaraliq teshkilatlar we siyasionlarning inkasini qozghawatqan bir peytte, tayland hokumet dairiliri uyghurlarni xitaygha qayturush pilani yoqluqini bildurdi.
taylandta chiqidighan «millet» (The Nation) namliq gezitning xewer qilishiche, taylandning muawin bash ministiri we dolet mudapie ministiri fumtam wechaychay (Phumtham Wechayachai) 17-yanwar kunidiki bayanatida, hokumetning taylandta tutup turuluwatqan uyghurlarni xitaygha mejburiy qayturup berish pilani yoqluqini bildurgen.
«millet geziti» ning deyishiche, yeqinda taylandta tutup turuluwatqan 48 neper uyghurning 20-yanwar dushenbe kuni xitaygha otkuzup berilidighanliqi heqqide xewer tarqalghandin keyin, kuchluk inkas qozghighan. tayland dolet mudapie ministiri fumtam wechaychay muxbirlarning soallirigha jawab bergende, ilgiri tayland hokumiti heqiqeten bir qisim uyghurlarni xitaygha otkuzup bergen bolsimu, biraq bu nowet undaq pilani yoqluqini tekitligen.
«millet» gezitining deyishiche, taylandtiki ‹adalet› namliq partiyening parlament ezasi kanawey subseng (Kanawee Suebsaeng) feysbuqtiki hesabida, taylandta tutup turuluwatqan uyghurlarning qayturulush mesilisining 17-yanwar kunidiki dolet xewpsizlik kengishi (NSC) yighinida muzakire qilinidighanliqini bildurgen. fumtam wechaychay bundaq muzakirining bolmighanliqini eytqan.
biraq u, birleshken doletler teshkilati musapirlar aliy komissarliqining yeqinda bu heqtiki endishilirini taylandqa yetkuzgenlikini eytip, «shu uchrishishta bu mesile muzakire qilindi, biz alaqidar qanun ramkilarni tekshurup, her qandaq bir heriketning qanungha uyghun bolushigha kapaletlik qilish, tayland we xelqara jemiyet uchun peyda bolghusi mesililerdin saqlinish lazimliqida ching turduq» degen. u yene, tayland dairilirining bu mesile heqqide munasip tedbirlerni tekshurup bekitish uchun, munasiwetlik emeldarlargha wezipe tapshurghanliqini bildurgen.
2025-yili 18-yanwar
