israiliye we xamas arisidiki urush toxtitish kelishimi bugun yeni 2025-yili 19-yanwar bashlap kuchke ige bolidu. israiliye dairiliri shu yer waqti saet 11:15 otkende urush toxtitishning resmiy bashlanghanliqini ilan qildi. melum bolushiche, xamas dairiliri israiliyege tapshurup berilidighan esirlerning tizimlikini tapshurghandin keyin birinchi basquchluq urush toxtitish resmiy bashlanghan.
xamasning herbiy qaniti bolghan izddin elqasam birigadisi israiliye bilen tuzulgen urush toxtitish we mehbuslarni almashturush kelishimining bir qismi supitide bugun qoyup berilidighan uch ayal tutqunning ismini elan qilghandin keyin , israiliyemu bu tizimlikni tapshuruwalghanliqini elan qildi.
israiliye we xamas dairiliri amerika, qatar we misirning kelishturushi bilen dohada otkuzulgen sohbetler netijiside 15-yanwar 42 kunluk urush toxtitish kelishimi hasil qilghanliqini ilan qilghan idi. amerika, qatar we misir dairilirimu bu kelishimning hasil qilinghanliqini delillidi.
urush toxtitish kelishimining mezmuni
igilinishiche, xamas bilen israiliye otturisidiki kelishim uch basquchtin terkib tapqan bolup, her biri 42 kun dawamlishidu.
urush toxtitish kelishimining birinchi basquchigha asasen, alte hepte dawamlishidighan urush toxtitish jeryanida, xamas qolidiki 97 tutqunning 33 nepirini qoyup beridu. buning bedilige israiliye turmiliridiki 1904 pelestinlik qoyup berilidu.
misir bilen ghezze otturisidiki rafa chegra eghizi asta-asta echilip, kesel we yarilanghanlarning tarqaqlashturulushigha sharait hazirlinidu. kelishim kuchke ige bolghan tunji kundin bashlap, her kuni insanperwerlik yardimi qachilanghan 600 yuk mashinisi ghezze rayonigha kiridu. pelestinliklerge insanperwerlik yardimi eslige kelturulidu, ghezzediki 2 milyondin artuq ahalini yemeklik bilen teminlesh tezdin yaxshilinidu.
kelishim kuchke ige bolghan tunji kundin bashlap , pelestinliklerning jenubtin shimaldiki oylirige qaytishigha ruxset qilinidu. ghezze rayonining barliq rayonlirida heriket erkinliki bolidu.
kelishimde yene israiliye eskerlirining bu mezgilde ghezze rayonidin chekinidighanliqi korsitildi.
israiliye we pelestinning inkasi
israiliye bilen xamas arisida 2023-yili 7-oktebir bashlanghan toqunushtin 15 ay otkendin keyin imzalanghan bu kelishim ghezze we pelestin xelqi teripidin qizghin qarshi elindi. bu kelishimning hasil qilinishi bir ghelbe dep qaraldi. igilinishiche, israiliyening 471 kunluk hujumida ghezzede qaza qilghanlarning sani 46 ming 913 ge, yarilanghanlarning sani 110 ming 750 ke yetken.
urush toxtitish kelishimi israiliyening ichki qismida bezi naraziliqlargha uchrighan bolup, ashqun ongchil dolet xewpsizlik ministiri itamar ben gwir istipa bergenlikini elan qildi, uning otzma yehudit partiyisi hakimiyet beshidiki ittipaqtin chekinip chiqti.
2025-yili 19-yanwar
