xitay dairiliri dushenbe kuni «wetenni parchilash» meydanidin waz kechse, dalay lama bilen sohbetlishishke ochuq ikenlikini bildurdi, emma surgundiki tibet hokumiti bayanat ilan qilip bu teklipni ret qildi.

xitay tashqi ishlar ministirlikining bayanatchisi go jyakun 10-fewal dushenbe mundaq degen: eger dalay lama «toghra yolgha qaytsa» we bir qanche aldinqi shertni hazirliyalisa, xitay uning bilen shexsiy kelgusini muzakire qilishni xalaydu.

bayanatchi go yene: «dalay lama shizangning xitayning ayrilmas bir qismi ikenlikini, teywenning xitayning ayrilmas bir qismi ikenlikini, jungxua xelq jumhuriyiti hokumitining putun xitaygha wekillik qilidighan birdinbir qanunluq hokumet ikenlikini ashkara etirap qilishi kerek».

nobel tinchliq mukapati sahibi dalay lama 7-ayda 90 yashqa kiridu. u 1959-yili xitayning hokumranliqigha qarshi keng kolemlik qozghilangdin keyin hindistangha qechip ketken bolup, u hayat waqtida tibetke qaytish arzusini ipadiligen.

royters agentliqining 10-fewral xewer qilishiche, go jyakunning sozi dalay lamaning chong akisi gyalo tondupning (Gyalo Thondup) olumi toghrisidiki xewerge jawaben eytilghan idi. surgundiki tibet hokumiti shu kunidiki bayanatida gyalo tondupning 8-fewral hindistanda 97 yeshida wapat bolghanliqini delilligen idi.

gyalo tondup ilgiri dalay lamaning hindistangha qechishini pilanlighan, keyin beyjing bilen tibet mesiliside nurghun qetim sohbet elip barghan. u deng shyawping, xu yawobang we shi jongshun qatarliq xitay rehberliri bilen qerellik korushken.

lekin, surgundiki tibet parlamentining muawin bayanatchisi dolma tsiring dixang (Dolma Tsering Teykhang) beyjingning sozini ret qildi. u: «hormetliklerdin yalghan sozleshni telep qilish mumkin emes, buning bolushi mumkin emes» dedi.

u hindistanning daramsala shehiridiki ishxanisidin mundaq dedi: «eger ular uni tibetning xitayning ayrilmas bir qismi deyishke zorlisa, bu tarixni burmilighanliq bolidu, eger tarix burmilinip ketse, tinch we dostane hel qilish charisi bolmaydu».

dalay lama 3-ayda ozining yengi kitabi «awazsizlar awazi: mening zeminim we xelqim uchun xitay bilen bolghan on nechche yilliq kuresh» namliq kitabni neshr qilishni pilanlighan bolup, bu eserde uning xitay rehberliri bilen bolghan sohbet we kureshliri kozdin kechurulidiken.

igilinishiche, dalay lama 2011-yili surgundiki tibet hokumitining siyasiy rehberlikidin ayrilghan. 

2025-yili 11-fewral