uch yerim yildin buyan ailisidin ayrilip marakash turmiside tutup turuluwatqan idiris hesen saq salamet amerikigha yetip barghan.

uyghur kishilik hoquq qurulushining reisi omer qanat ependi 15-fewral feysbuk hesabida yollighan uchurida bu xewerni ashkarilidi. u mundaq dedi: «xitay hokumitining besimi bilen marakeshte 3 yerim yil tutup turulghandin keyin, qerindishimiz idris hesen uzun we boshashmay tirishchanliq netijiside, amerika diplomatik organlirining yardimi bilen qoyup berilip, bugun bixeter halda washingtongha keldi».

turkiyediki turluk besimlar seweblik 2021-yili 7-ayda marakesh arqiliq yawropagha berish uchun yolgha chiqqan idris hesen 19-iyul kasablanka ayrodromida qolgha elinghan bolup, shuningdin buyan naheq tutup turulmaqta idi. eyni waqtta, marakesh dairiliri xitayning telipi bilen xelqara saqchi teshkilatining qizil renglik tutush buyruqi boyiche idris hesenni qolgha alghanliqini bildurgen. keyinche bu tutush buyruqi emeldin qaldurulghan bolsimu, dairiler uni qoyup berishni ret qilip kelgen idi. 

idris hesenning turkiyede qalghan ayali we uch nareside perzentining ehwali bilen uning xitaygha qayturulush ihtimalliqi muhajirettiki uyghurlar arisida endishe peyda qilghan idi. idris hesenni qutquzush uchun dunyaning herqaysi jayliridiki kishilik hoquq paaliyetchiliri we xelqaraliq kishilik hoquq organliri paal tirishchanliq korsitiwatqan bolup, kishiler xitayning uyghurlar ustide yurguzuwatqan qirghinchiliq siyasetlirige chetilip qalmasliqi uchun marakesh dairilerni agahlandurghan. 

norwigiyediki uyghur paaliyetchi abduweli ayupning bildurushiche, uyghur kishilik hoquq qurulushi idrisning ailesini bir yildin artuq iqtisadi yardem bilen teminligen. Safeguard Defenders namliq kishilik hoquq teshkilati marakeshte ikki adwukat teklip qilip uch yerim yil tirishchanliq korsetken. 

2025-yili 15-fewral