awstraliye parlament ezaliri uyghurlargha oz awazini anglitidighan we xitay zulmini pash qilidighan bir munber teminlesh meqstide parlamentta bir alahide guruppa qurghan.
11-fewral kuni, kanberradiki awstraliye parlament binasida otkuzulgen «partiyeler ara uyghurlarni qollash guruppisi» (AAPPGU) ning resmiy qurulush murasimi we sohbet paaliyitige mezkur guruppining reisliridin parlament ezasi toniy zappiya (Tony Zappia) we parlament ezasi andrew wallis (AndrewWallace) bilen «awstraliye uyghur tengritagh xanim-qizlar uyushmisi» hemkarliqta sahibxaniliq qilghan.
awstraliye parlamentidin mezkur guruppigha eza bolghan her qaysi partiyelerning parlament ezaliri, awstraliyening her qaysi jaylirida paaliyet elip beriwatqan uyghur teshkilat wekilliri we bir qisim uyghurlar bolup kup sanda kishi paaliyetke ishtirak qilghan.
«awstraliye uyghur tengritagh xanim-qizlar uyushmisi» ning reisi ramile chanishew xanim, yumilaq ustel sohbitide soz qilip, awstraliye parlamenti partiyeler ara uyghurlarni qollash guruppisining qurulghanliqini, awstraliyediki uyghur jamaiti shundaqla putun uyghurlargha wakaliten qizghin tebrikligen, hemde u guruppining qurulushida kuch chiqarghan parlament ezalirigha teshekkur bildurup, mezkur guruppining qurulushining muhajirettiki uyghurlargha, bolupmu helihem irqi qirghinchiliqning qurbani boluwatqan, kimlik, medeniyet, til we her jehettin yoqitishqa uchrawatqan uyghurlar uchun intayin ehmiyetlik ish ikenlikini bildurgen.
awstraliye parlamentida bu guruppining qurulushi uchun yillardin beri heriket qilip keliwatqan «awstraliye uyghur tengritagh xanim-qizlar uyushmisi» kanberradiki awstraliye parlamentida otkuzulgen bu murasimni birlikte uyushturghan we paaliyet zalini jemiyettiki aktip uyghur xanim qizlarning chewerlik bilen uyghur medeniyet puriqigha bay qilip raslighan zal uyghurlarning xasliq, milliy medeniyet alahidiliklirini, senitini namayende qilidighan doppilar, etles gulluk buyumlar, uyghur sazliri, oy seremjanliri bilen bezelgen shundaqla uyghur tatliq turme we mezzilik chayliri bilen intayin dostane we azade keypiyat yaritilghan. dostluq keypiyati ichide parlament ezalirigha uyghur kimliki tonushturulghan.
erkin asiya radiosining xewer qilishiche, uyghurlarni izchil qollap keliwatqan shundaqla mezkur uyghurlarni qollash guruppisining qurulushida achquchluq rol oynighuchi parlament ezaliridin fatime payman (Fatima Payman) xanim, murasimdin keyin mundaq degen: «bu uyghur dostluq guruppisining qurulushining ehmiyiti shuki, bu, men we bashqa hemkarliqtiki parlament ezalirining awstraliye hokumitide dawamlashturidighan bir diyalogi bolup qalidu. dostluq guruppisidiki parlament ezaliri qatarliq xizmetdashlirim bilen bille biz, dostluq guruppisida otturigha qoyulghan 3 telepning etirap qilinishi hemde toluq emeliylishishi uchun heriket qilimiz. biz bu irqiy qirghinchiliqning uzungha sozulghanliqini, uyghurlargha qaritilghan milliy qirghinchiliqning awstraliye we dunyaning herqaysi jayliridiki uyghurlargha kelturgen azablirini tonushimiz kerek. biz parlamentta uyghurlarning awazini kucheytish bilen teng, uyghurlargha qarshi yuz beriwatqan shundaqla dunyaning her qaysi jaylirida yuz beriwatqan wehshiylik we malimanchiliqlarni axirlashturushqa heriket qilishimiz lazim.»
«partiyeler ara uyghurlarni qollash guruppisi», parlament ezalirining awstraliye hokumitige, uyghur irqiy qirghinchiliqi bilen alaqisi bolghan xitay memurlirigha jaza yurguzush, awstraliye-xitay soda kelishimliri we bu kelishimlerni ijra qiliwatqan xitay shirketliri, memurlirining uyghur mejburiy emgiki bilen munasiwette bolghanlirini jazalash qararlirini elishigha turtke bolush, muhajirettiki uyghur musapirlirini qoynigha elishqa heriket qilish, awstraliyediki uyghur jamaitining teleplirige, ijabiy tedbirler arqiliq jawab qayturush uchun heriket qilidiken.
2025-yili 15-fewral
