merkizi turkiyening istanbulgha shehirige jaylashqan «xelqara sherqiy turkistan teshkilatlar birliki» ning reisi hidayetullah oghuzxan heqqide otturigha chiqqan «ashnidarchiliq» we «bashqilargha tehdit selish» eyibleshliridin keyin, mezkur teshkilatning teptish heyiti 17-fewral bayanat ilan qilip, mesile tekshurulup aydinglashqangha qede hidayetullah oghuzxanning reislik wezipisidin toxtitilghanliqini bildurdi.
bir nechche kundin buyan ammiwi taratqularda eqip yurgen resim, sin we yazmilardin melum bolushiche, hidayetullah oghuzxan oz sepidiki uyghur we musulman qerindishi dawut kashgherli (muhemmet) koriyede ishlemchi bolup yurgen mezgillerde uning ayali bilen « ashndarchiliq we buzuqchiliq qilghan» dep eyiblengen. shundaqla hidayetulla oghuzxanning ozining kuchi we nopuzidin paydilinip, bu ishni tunjuqturmaqchi bolghanliqi, dilodiki ayalning bolsa yoldishi ustidin sotqa erz sunghanli otturigha chiqmaqta.
sherqiy turkistan teshkilatlar birlikining teptish heyiti ilan qilghan bayanatta, aldi bilen hidayetullah oghuzxanning xizmetliri mueyyenleshturulgen we bu ish qanuniy yol bilen eniqlanghuche uning wezipisidin waqtliq toxtitilghanliqi bildurulgen.
bayanat mezmuni towendikiche:
xelqara sherqiy turkistan teshkilatlar birliki teshkiliy organliri, eza teshkilatliri we xelqimizning diqqitige:
«biz, xelqara sherqiy turkistan teshkilatlar birliki teptish heyiti teshkilatimizning nizamnamisi we ichki tuzumlirige asasen, towendiki qararni elan qilimiz.
teptish heyiti birlik reisi hidayet oghuzxanning teshkilatimizning qurulushidin burun, qurulushida we qurulushidin keyinki jeryanda teshkilatimizning tereqqiyati we sherqiy turkistan dewasining yuksilishi uchun ottuz yildin buyan barliq kuchi bilen keche-kunduz xizmet qilip kelgen, sherqiy turkistan xelqining heq-hoquqini qoghdash we erkinlik dewasini ilgiri surush yolida nurghunlighan tohpe qoshqan biri ikenlikini mueyyenleshturidu.
birlik reisi hidayet oghuzxanni, teshkilatimizni we dewani nishan qilghan hujumlarning sherqiy turkistan dewasini ajizlashturush we birlikimizni itibarsizlashturushni meqset qilghanliqi ochuq bir heqiqettur. birlikimiz sherqiy turkistanning musteqilliqi yolida mustehkem dawam qilidu.
teptish heyiti, birlik reisi hidayet oghuzxanning ozi heqqidiki tohmetlerni ret qilish pozitsiyesini hormetleydu we qanuniy jehettin ozini aqlishini, qoghdishini qollaydu.
birlik teptish heyiti perqliq terepler we munasiwetlik shexsler bilen elip barghan estayidil sohbetler netijiside, birlik reisi hidayet oghuzxanning gunahsizliqini ispatlash, etibarini qoghdash we tohmetlerge qarshi qanuniy hoquqini telep qilish jeryanida sherqiy turkistan dewasining menpeeti we teshkiliy xizmitimizning saghlam dawam qilishi uchun, birlik reisi hidayet oghuzxanning wezipisidin waqitliq toxtitilip turushini qarar qilduq.
bu qarar teshkilatimizning muqimliqi we birlikini saqlash, shundaqla xizmetlerning normal elip berilishini kapaletke ige qilish meqsitide chiqirildi.
xelqara sherqiy turkistan teshkilatlar birliki teptish heyiti
17/02/2025»
shu kuni yene, istanbuldiki «sherqiy turkistan olimalar birliki» bayanat ilan qilip, mezkur teshkilatni bu mesilini jiddiy hel qilishqa chaqirghan. bayanatta mundaq deyilgen: «dewa yolida xizmet qiliwatqan her qandaq rehber we shexisning, diniy edeb ـ qaidilirimiz, milliy enene we adetlirimizge riaye we hormet qilishi wajiptur. chunki, diniy we milliy qizil siziqlar bizlerni birleshturidighan we ittipaqliqimizni saqlaydighan asasliq amillardin hesablinidu.
biz sherqiy turkistan olimalar birliki, xelqara sherqiy turkistan teshkilatlar birliki rehberlirini bu heqte jiddi tedbir elishqa, her zaman adalet we heqqaniyet yolida heriket qilishqa we xelqimizge bu mesile toghrisida waqtida qanaetlinerlik izahat berishke chaqiriq qilimiz.»
2025-yili 18-fewral
