taylandliq adwokat chuchart kanpay bangkok jenubiy jinayi ishlar sotining sirtida muxirlargha soz qildi, 2025-yili 18-fewral. (lukit kusumarn / BenarNews)
taylandning paytexti bangkokning jenubiy bangkok sot mehkimisi otken hepte yeni 14-fewral jume kuni taylandtta tutqunda turuwatqan 43 neper uyghur musapirining qoyup berilishi uchun sunghan erzi heqqide tunji qetimliq sot echip, sotning keyinki hepte qayta echilishini qarar qilghan. tayland sot mehkimisi 18-fewral kuni 2-qetimliq sot echip, erzdarlarning heqliq tereplirining barliqi, tayland kochmenler dairilirining keler qetimliq sotta, ularni neme uchun qoyup bermey hazirghiche tutup turghanliqigha chushenche berishini buyrughan.
igilinishiche, otken heptidiki tunji qetimliq sotta, uyghur tutqunlirining adwokati chuchart kampay (Chuchart Kanpay), erzdarlarning wakaletchisi, awstraliyede turushluq paaliyetchi bextiyar bore, shiwetsiyede turushluq tetqiqatchi nirola elima (Nyrola Elimä) guwahliq bergen bolsimu, emma 18-fewraldiki sotta munazire yaki guwahliq berish bolmighan. sotchi peqet keler qetimliq sotning bu yil 27-martta echilidighanliqini elan qilghan.
erkin asiya radiyosining qarmiqidiki «binar xewerliri» ning bildurushiche, sot mehkimisining qararida mundaq deyilgen: «sot erzdarlarning shahitlirini tingshighandin keyin, erzde heqliq tereplerning barliqini bayqidi, shundaqla kochmenler idarisining komissari yaki uning wekilining 27-martta sot mehkimisige chiqishini buyruq qildi. »
erzdarlarning adwokati chuchart kanpay shu kuni «binar xewerliri» ning ziyaritini qobul qilghanda, sotning uyghur musapirlirini dawamliq tutup turushta qanunsizliq barliqini korup yetkenlikini eytqan. chuchart kanpay mundaq degen: «sot bu tutqunda yoshurun bir qanunsizliq barliqini korup yetti. sot bu 43 neper uyghurning chegradin qanunsiz kirish jazasini chekishidin keyinmu, neme uchun dawamliq tutup turulghanliqini surushturidu. eger sot tutup turushta birer qanunsizliq bayqisa, ularni qoyup berishke buyrushi yaki 3-bir doletke orunlashqiche bashqa organlarning waqitliq kapaletlik qilishigha yol qoyushi mumkin.»
igilinishiche, nowette taylandta tutup turuluwatqan uyghur musapilirining sani 48 neper bolsimu, emma bu qetimliq sotning burun tayland tutup turush merkizidin qechip qayta tutulup qalghan turmidiki besh neper uyghurni oz ichige almighanliqi melum. bu 48 uyghur ilgiri xitayning ziyankeshlikidin qechip chiqip, taylandta tutulup qalghan uyghurlarning bir qismidur. 2015-yili bu uyghurlardin balilar we ayallarni asas qilghan 179 nepirini turkiye qobul qilghan. tayland ulardin 109 nepirini xitaygha otkuzup berip, xelqaraning qattiq tenqidige uchrighan idi.
melum bolushiche, 18-fewral kunidiki 2-qetimliq sottimu, erzdarlardin 43 uyghur tutqun sotqa chiqmighan.
2025-yili 19-fewral
