ramizan ozgirish peytidur 

 muhemmed yusup

ramizan ozgirish we ornimizdin des turush peytidu. etrapimizdiki hemmila nerse ozgiridu, hetta jamadatlarmu waqitning otushi bilen ozgiridu, peqetla insan ozgirishni xalimaydu. chunki, u ozining rahet muhitini terk etishke unimaydu. «kongen yamanmu koygenmu» degendek, ozi konup qalghan adetliridin ayrilalmaydu. nawada insanlar ozgerse dunya ozgiretti, ehwal ozgiretti, hetta xeritilermu ozgiretti. chunki,  hayat ozining mojizilirini yatqanlargha emes, heriketke otkenlergila ewetidu.

biz kop waqitlarda ichide boluwatqan rahetlik muhitimizni terk etishni xalimighanliqtin, hemme adetlinip qalghan «kechikip qaldim» din ibaret erzan sozni eytip qoyimiz.

 epsuski, kopinchimiz «kechikip qaldim», «bolmaywatidu», «qilalmaymen» degenge oxshash sozler bilen ozimizge teselli berip, nowettiki muhim ishlirimizdin waz kechimiz yaki ularni kechikturimiz. eslide biz hechqandaq ishqa kechikip qalmiduq. chunki jan tende bolghan muddet ichide bizde waqit bar, purset bar we umid bar. atqan herbir tang bizge pursetlerni sunidu, biz her kuni yengidin tughulimiz. shunga hechqandaq ish uchun kechikip qalghan bolmaymiz.

hesel herisi bir gram hesel uchun gul-chechekler arisida 7000din kop qetim uchidiken. mehsulatini az korup hesel berishtin waz kechmeydiken, kechikipmu qalmaydiken. shunga uning mehsulati hemmila yerde qimmetlik iken. biz hemishe gunahni waqitqa artip qoymaqchi bolimiz. bu ozimizge ozimiz qilghan chong heqsizliqtur.

eslide her xil bahanilerni tepip ozimizge teselli berishning ornigha derhal heriketke otup ejir qilsaq, allah taalaning yardimi bizni qorshaydu, kopligen guzel ishlarni ozimiz tuymastin wujudqa chiqiralaymiz.

ozini ozgertishke, birer netije qazinishqa  intilmigen insan su ustidiki oluk beliqqa oxshash hayatning boran- chapqunliri ichide ganggirap yuridu. aldimizda ikki yol bar. biri, ozimiz talliwalghan rahetlik muhittin ayrilishqa kozimiz qiymay, ornimizdin midirlimasliq, yene biri, heriketke otup ozgertish mumkin bolghan ishlarni ozgertish we qolimizdin kelgen netijini yaritishtur.

hayat olturghan yeridin turushni xalimaydighan, bahanilerning arqisigha sighinip heriketke otmigen insanlargha hech nerse bermeydu, chunki u ajayip mojizilirini ornidin turghan we heriketke otken insanlargha ewetidu.