xitayning bankoktiki bash elchixanisi tarqatqan resimde, taylandtin qayturulghan uyghurlardin birining 27-fewral qeshqerge kelgendin keyin «tughqanliri bilen jem bolghanliqi» korsitildi.
tayland hokumiti otken hepte 40 uyghurni xitaygha tapshurup berip xelqara jemiyetning, jumlidin kishilik hoquq teshkilatliri, gherb hokumet emeldarliri we parlament ezalirining kuchluk naraziliqigha uchrighandin keyin, tayland emeldalirining yeqinda sherqiy turkistanni ziyaret qilidighanliqi otturigha chiqti.
«bankok pochtisi» ning 5-marttiki xewiride eytilishiche, taylandning dolet mudapie ministiri pumtam wichayachay, edliye ministiri polkol tawisodsong (PolCol Tawee Sodsong), tashqi ishlar ministiri mars sangiyampongsa (Maris Sangisapongsa) qatarliq uch kishi 3-ayning 18 kuni xitaygha berip, uyghur elige biwasite qayturulghan 40 uyghurni ziyaret qilidiken.
«tayland doliti» taratqusining 4-mart chiqarghan xewiride eytilishiche, taylandning muawin bash ministiri we dolet mudapie ministiri pumtam wichayachay shu kuni axbarat wasitilirige melumat berip, taylandiki 40 uyghur musapirni xitaygha qayturushni ozi bilen birlikte tayland edliye ministiri, tashqi ishlar ministirining qarar qilghanliqini bildurgen.
u yene, xitay hokumiti ularni qayturup ketkendin keyin ularni qamap qoymasliq we qiynimasliqqa wede bergendin keyin andin bu qararni chiqarghanliqini eytqan. uning bildurushiche, tayland terep b d t musapirlar mehkimisi bilen alaqiliship, bu uyghurlarni elip ketip orunlashturushni telep qilghan bolsimu, ulardin eniq jawab kelmigen. turkiye terep peqet ayallar bilen balilarni qobul qilidighanliqini bildurgen. pumtam wichayacha yene ozlirining 11 yil kutken bolsimu, hechqandaq doletning bu uyghurlarni qobul qilishni xalimighanliqini eytqan.
halbuki, royters agentliqining 5-mart xewer qilishiche, amerika, kanada, awstraliye qatarliq doletler 48 uyghurni qobul qilish teklipi sunghan bolsimu, taylandning xitaydin ensirep, hechqandaq heriket qilmighan.
2025-yili 5-mart
