amerika bilen xitay arisidiki soda urushi dawamlishiwatqan bir peytte, xitay kanadaning bir qisim dehqanchiliq mehsulatlirigha qoshumche tamoJna beji qoyghanliqini ilan qildi.

xitay 8-mart shenbe kuni kanadaning otken yili oktebirde xitayning tokluq mashiniliri, polat-tomur we alyumin mehsulatlirigha tamoJna beji qoyghanliqigha qarita, kanadaning qicha yeghi, qorulghan tort we nuqut qatarliq her xil dehqanchiliq mehsulatlirigha tamoJna beji alidighanliqini elan qildi. 

royters agentliqining xewer qilishiche, xitay bu qetim 2 milyard 600 milyon dollar qimmitidiki dehqanchiliq mehsulatliri we yemekliklerge tamoJna beji qoyghan. bu tramp bashchiliqidiki soda urushida yengi bir sehipining echilishi dep qaralghan. 

xitay soda ministirliqi kanadaning xitay mallirigha qoyghan bajliri heqqide «dunya soda teshkilatining qaidilirini buzdi. bu xitayning menpeetige ziyan salidighan kemsitish tedbiri» degen. 

shenbe kuni xitay maliye ministirlikining tor betide elan qilinghan bayanatqa qarighanda, mushu ayning 20-kunidin bashlap, kanadadin kelgen qicha yeghi, mayda pishurulghan tort we nuqutlargha %100 baj elinidiken, kanadadin kelgen su mehsulatliri we tongguz goshige %25 tamoJna beji elinidiken.

kanada bash ministiri jastin tirudo buningdin ilgiri mezkur baj siyasitining xitayning dolet yardimige erishken normidin artuq ishlepchiqirish siyasitige jawab qayturush uchun yurguzulgenlikini, amerika we yawropa ittipaqiningmu oxshash heriketlerni qollanghanliqini bildurgen.

tehlilchiler tamoJna beji qoyushning agahlandurush rolini oynighanliqini ilgiri surdi. tramp hokumiti buningdin ilgiri eger bu doletlermu xitay tawarlirigha %20 tamoJna beji qoysa (amerikining fentanil mesiliside xitaygha qoyghan tamoJna bejigha oxshash), amerikining kanada we meksikigha qoyghan %25 import tamoJna bejini boshitishni oylishishi mumkinlikini isharet qilghan.

2025-yili 10-mart