amerika federatsiye sotchisi amerika yershari axbarat agentliqining «amerika awazi radiosining xizmetchiliri yaki hoddigerlirige qarita ishtin boshitish, xadim qisqartish, waqtinche toxtitish yaki maashsiz ruxsetke qoyup berish tedbirlirini qollinishini» cheklidi, hemde tramp hokumitining herikitini «tipik bir oz beshimchiliq we xalighanche qarar chiqirish delosi» dep atidi.
amerikida tramp hokumiti yeqinda toyuqsiz memuriy buyruq chiqirip, hokumet maliyesidin paydiliniwatqan bir qisim «tapawetsiz» organlarni qisqartishni qarar qilghan. amerika yershari axbarat agentliqi (USAGM) qarimiqidiki amerika awazi we erkin asiya raiosi qatarliq axbarat organliri bu seweblik xadim qisqartish yaki putunley taqilish xewpige duch kelgen idi. erkin asiya radiosi uyghurche boluminingmu bu seweblik paaliyettin toxtash mumkinchili muhajirettiki uyghurlar arisida endishe peyda qilghan idi.
birleshme agentliq qatarliqlarning xewer qilishiche, nyoyorktiki bir sot mehkmisi 28-mart jume kuni tiramp hokumitining amerika awazi (VOA) ni tarqitiwetish herikitini cheklesh toghrisida qarar chiqirip, hokumet maliyesi bilen mengiwatqan bu organning xizmetchilirini ishtin boshitishni chekligen.
sotchi james paul otken (James Paul Oetken) waqitliq buyruq chiqirip, amerika yershari axbarat agentliqining yenimu ilgiriligen halda amerika awazi (VOA) xizmetchiliri yaki hoddigerlirini «ishtin boshitish, qisqartish, waqtiliq toxtitish yaki maashsiz ruxsetke qoyup berish» tedbiri qollinishini chekligen. melum bolushiche, texminen 1200 xizmetchi ikki hepte ilgiri tiramp meblegh kemeytish buyruqi seweblik waqtliq ishtin toxtitilghan.
bu qararda yene VOA ishxanilirini taqash yaki cheteldiki xizmetchilerning amerikigha qaytip kelishini telep qilish cheklengen.
shuning bilen birge, bu qarar yene amerika yershari axbarat agentliqining bashqa axbarat organlirigha beriliwatqan meblegh toxtitishini tosidu. bu axbarat organliri erkin yawropa radiosi / azadliq radiosi (Radio Free Europe/Radio Liberty), erkin asiya radiosi (Radio Free Asia) we erkin afghanistan radiosini oz ichige alidu. bu organ peyshenbe kuni bayanat ilan qilip, washingtondiki bir sotchining buyruqidin keyin erkin yawropa radiosining meblighini eslige kelturgenlikini eytqan.
dewagerlerning adwokati andrew ge selli: «bu axbarat erkinliki we asasiy qanunning tunji tuzitish kirguzulgen maddisining hel qilghuch ghelibisi, shundaqla tramp hokumitining demokratik prinsiplargha putunley sel qarishigha berilgen bir tenbih» degen.
igilinishiche, bu erzni amerika awazi radiosining xizmetchiliri, ishchilar oyushmisi we soz erkinlikini teshebbus qilidighan «chegrasiz muxbirlar teshkilati» (RSF) birlikte sunghan. ular VOA ni taqash xizmetchilerning asasiy qanunning birinchi tuzitish kirguzulgen maddisi arqiliq qoghdilidighan soz qilish hoquqigha dexli-teruz qilghanliq dep eyibligen.
2025-yili 31-mart
