soldin onggha: xongkong saqchi komissari raymond siyu, xongkong alahide memuriy rayonluq hokumetning edliye ishliri katipi lam ting kuk, dolet bixeterlik komitetining bash katipi aw chixong we xitay hokumitining xongkongdiki dolet bixeterlikini qoghdash ishxanisining bashliqi dong jingwey.
amerika tashqi ishlar ministirliqi 31-mart dushenbe kuni xongkong we tibettiki siyasiy basturushlargha mesul xitay emeldarlirigha wiza imbargosi yurguzgenlikini ilan qildi. igilinishiche, bu donald trampning yengi wezipige olturghandin buyan tunji qetim xongkong emeldarlirigha kishilik hoquq mesilisi seweblik jaza yurguzushi iken.
amerika tashqiy ishlar ministiri marko rubiyo dushenbe kuni bayanat ilan qilip, amerika tedbir qollinip, chetelliklerning tibet rayonigha kir shige munasiwetlik siyasetlerge qatnashqan xitay emeldarlirigha qoshumche wiza cheklimisi qoydi dedi.
rubio bayanatida mundaq dedi: «bek uzun waqittin buyan, xitay kompartiyisi amerika diplomatliri, Jurnalistliri we bashqa xelqaraliq kozetkuchilerning tibet aptonom rayoni we xitaydiki bashqa tibet rayonlirigha kirishini ret qildi, halbuki xitay diplomatliri we Jurnalistliri amerikida keng ziyaret qilish hoquqidin behrimen boldi.
bayanatta hech qandaq bir emeldarning ismi tilgha elinmighan. tashqi ishlar ministirliki yene bezi emeldarlarning chetelge chiqip ketken «demokratiyeni qollaydighan 19 paaliyetchini qorqutush, jimiqturush we parakendichilik selish» qilmishigha chetishliq dep korsetti. igilinishiche, bu paaliyetchiler ichide bir amerika puqrasi we tot amerika ahalisi bar iken.
rubio buningdin ilgiri tayland emeldarlargha uyghurlarni xitaygha qayturghanliqi sewebidin jaza yurguzgen idi.
amerika tashqi ishlar ministirliqi dushenbe kuni ayrim bir qararda, dunya pul-muamile merkezlirining biri bolghan xongkongda dawamlishiwatqan siyasiy basturushlargha chetishliq saqchi emeldarlirigha jaza yurguzdi.
melum bolushiche, xongkong saqchi komissari raymond siyu chak ye (Raymond Siu Chak-yee) we edliye ministiri paul lam (Paul Lam) qatarliq alte neper xitay we xongkong emeldari «dolet bixeterlik qanuni»gha asasen dolet halqighan basturush we xongkongdiki ammiwi erkinlikni basturush bilen eyiblengen.
igilinishiche, saqchi komissari raymond siyu chak ye we bashqilargha qaritilghan jaza dairiside, ularning amerikida saqlighan her qandaq bayliqi tonglitilidu hemde omumen ular bilen bolghan pul-muamile sodisi amerika qanuni boyiche jinayi qilmishlirigha kirguzulidu.
rubio bayanatida mundaq dedi: bu jaza «tramp hokumitining xongkongdiki kishilerni qoghdilidighan hoquq we erkinliktin mehrum qilishqa, shundaqla amerika tupriqida yaki amerika xelqige qarshi dolet halqighan basturush heriketlirige mesul bolghanlarni surushturush wedisini korsitip beridu».
igilinishiche, imbargo tizimlikide xongkong saqchi komissari raymond siyu chak-ye, xongkong alahide memuriy rayonluq hokumetning edliye emeldari paul lam, xongkong dolet bixeterlik komitetining bash katipi sonniy chi kwong aw, xitayning xongkongda turushluq dolet bixeterlikni qoghdash ishxanisining mudiri dong jingwey, saqchi ishliri yardemchisi diyang chung chung wong bar iken. buningdin bashqa, xongkongning bash ijraiye emeldari jon li uzundin buyan amerikining jaza tizimlikige kirguzulgen.
2025-yili 31-mart
