amerikining bir parlament ezasi amerika hokumitining sherqiy turkistangha chetishliq shirketler bilen soda qilishini cheklesh telep qilinghan «uyghur mejburiy emgikige dollar yoq» degen qanun lahiyesini qayta tonushturghan.
amerika KLTV qanilining xewer qilishiche, amerikining awam palatasi ezasi nasaniyel moran (Nathaniel Moran) yeqinda «uyghur mejburiy emgikige dollar yoq» dep tema qoyulghan, amerika hokumitining sherqiy turkistan bilen alaqisi bar barliq shirketler bilen soda qilishini cheklesh telep qilinghan qanun layihesini qaytidin parlamentqa sunghan. mezkur qanun layihesi ilgiri awam palatasida maqullanghan bolsimu, kengesh palatasining testiqidin otelmigeniken.
awam palata ezasi moran seyshenbe KLTV telewiziyesining bu lahiyesi toghrisidiki ziyaritini qubul qilghinida, xitayning uyghurlargha qarshi erqiy qirghinchiliq qiliwatqanliqini tekitlep, «xitay nahayiti exlaqsizliq bilen ish bejiriwatidu. biz dunyada qulluq emgikining sheriki bolup qelishni xalimaymiz. buni (uyghur qulluq emgikini) yoqutush kerek» dep bildurgen. moran sozide bu qanun lahiyesining ikki asasliq meqsitining barliqini bildurup, «biz ularning exlaqsizliq we iqtisadiy heriketlirini keynige yandurushimiz kerek» dedi. u ziyaret jeryanida xitayning amerikagha kelidighan eng chong tashqi tehdit ikenlikini mueyyenleshturup, xitayning amerikaning dushmini ikenlikini keskinlik bilen otturigha qoydi.
nasaniyel moran bu heqte toxtilip, xitayning intayin exlaqsiz teriqide heriket qiliwatqanliqini, amerikining dunyadiki qul emgikige sherik bolup qelishni xalimaydighanliqini bildurgen. u mezkur qanun layihesini xitayning mesuliyitini surushte qilishtiki bir qedem dep qaraydighanliqi we xitayning wehshiyane qilmishlirini tosushtiki yaxshi bir ilgirilesh ikenlikini tekitligen.
donald tiramp yengidin wezipige olturghandin buyan, uyghurlargha alaqidar bir qisim qanun layiheliri qaytidin parlamentqa sunuluwatqan bolup, bir nechche kun burun amerika awam palatasining ikki partiyege tewe 12 palata ezasi xitaydiki basturushtin qechip chiqqan uyghurlar we bashqa milletlerning amerikida panahliq tilesh ishlirini asanlashturushni, qoshumche yardem teminleshni meqset qilghan «uyghur insan heqlirini qoghdash qanun layihesi»ni qaytidin parlamentqa sunghanidi.
2025-yili 5-april
