sherqiy turkistanning barin yezisida 35 yil burun xitay tajawuzchilirigha qarshi horluk we adalet uchun elip berilghan milliy musteqilliq herikitide shehit bolghan mujahitlarni xatirilesh yighini 4-ayning 5-kuni chushtin kiyin saet 17:00 de istanbulning uyghurlar eng kop olturaqlashqan rayoni sefakoyge jaylashqan fatih meschitining yighin zalida elip berildi.
bu yighin «turkiye uyghur teshkilatlar munbiri» teripidin oyushturulghan bolup, munberge eza teshkilatlar sherqiy turkistanliqlar federatsiyesi, uyghur akademiyesi wexpi, dunya uyghur qurultiyi wexpi, uyghur ilim - meripet wexpi, darul iman akademiyesi, teklimakan uyghur neshriyati, sherqiy turkistan jemiyiti, eneniwiy uyghur tibabiti tetqiqat wexpi, sherqiy turkistan axbarat we neshiriyat jemiiyiti, yurtlar birliki jemiiyiti we sherqiy turkistan yashlar we musteqilliq herikiti jemiiyiti qatarliqlar bolup, bu yighin munberge eza teshkilatlarning ortaq kuch chiqirishi bilen elip berildi.
bu yighingha 20 ge yeqin uyghur teshkilatning mesulliri, tonulghan ziyaliylar, olimalar we istanbuldiki uyghur qerindashlar bolup 300 din artuq kishining qatnishishi bilen intayin janliq keypiyatta otkuzuldi we yighin bashlinishtin burun barliq mehmanlargha uyghur polosi tartildi.
yighin aldi bilen hikmetullah qarimning mungluq quran tilawiti bilen bashlandi we arqidin sherqiy turkistan milliy marishi we turkiyening istiqlal marshi qoyulup, weten uchun eziz janlirini bergen shehitlerge hormet bilduruldi. arqidin herqaysi teshkilatlarning mesulliri nowet bilen soz qilip, barin shehitliri rohining menggu olmeydighanliqi, ularning qehriman milliy rohining milliy musteqilliq korishimiz uchun her waqit yolimizni yorutup turidighanliqini tekitleshti.
yighinda soz qilghan jamaet erbabi abduqadir yapchan barin shehitlirige bolghan chongqur hormiti we ularning alahidilikliri ustide toxtaldi, shundaqla ozi bilen sebdash we sawaqdashliq hayatini birlikte otkuzgen barin jihadining rehbiri zeydin yusupning ish paaliyetlirini we uning isl peziletlirini eslep otti.
sherqiy turkistanliqlar federatsiyesi reisi emir hesen hajim, dunya uyghur qurultiyi wexpi reisi abdulhemid abdureshit ependi, sherqiy turkistan jemiiyiti reisi eli salih ependim qatarliqlar teshkilatlar ara hemkarliq, birlik, ishench, heqqide soz qilip, bugunki uyghularning beshigha kiliwatqan balayi-apettin qutulush uchun hemkarliqning intayin mohimliqini tekitlep otti.
yighinda soz qilghan sherqiy turkistan teshkilatlar birliki reisi professor doktur atawullah shahyar ependi mushundaq yighinlarning bir qanche yerlerde bulup qilishining sewebi chongraq urunning bolmasliqi ikenlikini, ashundaq bulishi dewayimizning koprek anglitilishi uchun paydiliq dep qaraydighanliqini, hem teshkilatlar ara hemkarliq uchun bu yighingha qatnishishqa alahide tirishchanliq korsetkenlikini eskertip otti.
ustaz atawullah damolla hajim, darul iman akademiyesi reisi mexmut damollam, uyghur ilim we meripet wexpi reisi hebibullah koseni, sherqiy turkistan yashlar musteqilliq herikiti jemiiyiti reisi ekrem uyghurxan qatarliqlarmu weten uchun eziz janlirini bergen shehitlerning allah hozuridiki aliy mertiwiliri we allahning huzurida ulargha birilidighan mokapatlar heqqide toxtulush bilen birge, weten we milletke qilinghan xiyanet, jasusluq we xainliqlar heqqidimu toxtilip otti.
yighin jeryanida ibrahim isimlik bir uyghur osmur shehitler yad etilgen sheirni oqup, yighingha qatnashqanlarni hayajanlandurdurush bilen birge, rawan uyghur tili bilen oqulghan bu dekelimatsiyesi arqiliq hemmeylenni soyundurdi.
yighin jamaet erbabiy abduqadir yapchanning yureklerni lerzige salghan dualiri bilen axirlashti.
2025-yili 6-april
