gollandiyening parlament ezasi sitefan wan barle bir teklip layihesi sunup, gollandiye hokumitini «sherqiy turkistan» degen isimni ishlitishke chaqirdi.

igilinishiche, gollandiyediki Denk partiyesining reisi we parlamenet ezasi sitefan wan barle (Stephan van Baarle) 9-aprel parlamentqa bir teklip layihesi sunup, hokumetning barliq alaqilirida we hojjetliride «shinjang» degen namni emes, belki «sherqiy turkistan» degen isimni ishlitishni telep qilghan.

mezkur layihe gollandiye awam palatasining resmiy tor betidimu ilan qilighan bolup, u teklip layiheside «sherqiy turkistan» atalghusining tarixiy nam ikenlikini, «shinjang»ning bolsa mustemlike nami ikenlikini, kop sandiki uyghurlarning «sherqiy turkistan» degen isimni yaxshi koridighanliqini, hokumetning barliq alaqilirida «sherqiy turkistan» degen isimni ishlitishni telep qilidighanliqini bildurgen.

gollandiye uyghurlar uchun kop qetim awaz chiqarghan, shundaqla uyghurlar bir qeder kop olturaqlashqan yawropa doliti bolup, wan barlening partiyisi mezkur dolettiki uyghur jamaetchiliki bilen alaqisini saqlap kelgen. 2021-yili amerika tashqi ishlar ministirliqi xitayning uyghurlargha irqiy qirghinchiliq yurguzuwatqanliqini ilan qilghandin keyin, gollandiye parlamenti bashqa gherb parlamentliri bilen birge xitayning sherqiy turkistandiki jinayetlirini «irqiy qirghinchiliq» dep bekitkenidi.

2025-yili 14-april